ကလေးတွေ ရောဂါမကူးအောင် အကွက်ဆန်းတွေထုတ်သုံးလိုက်တဲ့ တရုတ်က စာသင်ကျောင်း

Posted on

တစ်ကမ္ဘာလုံးကို ခြိ်မ်းခြောက်နေတဲ့ ကိုရိုနာဗိုင်းရပ်စ် ကပ်ရောဂါဆိုးကြီးကို ကမ္ဘာအနှံ့က တားဆီးကာကွယ်လျက်ရှိကြသလို ရောဂါထိန်းချုပ်နိုင်ဖို့ကြိုးစားနေပေမယ့် ထိန်းချုပ်လို့မရနိုင်သေးတဲ့ နိုင်ငံတွေလည်း များစွာ ကျန်ရှိနေပါသေးတယ်။ နွေရာသီမှာ အစပြုခဲ့တဲ့ ကပ်ရောဂါဆိုးကြီးဟာ အခုဆိုရင် မိုးရာသီအစ ကလေးတွေကျောင်းပြန်တက်ရမယ့်အချိန်နားကိုတောင် ရောက်ရှိလို့လာခဲ့ပါပြီ။ မြန်မာနိုင်ငံမှာဆိုရင်လည်း စာသင်ကျောင်းတွေ ပြန်ဖွင့်ဖို့နဲ့ပတ်သက်ပြီး အစိုးရရဲ့ ဆုံးဖြတ်ချက်ကို စောင့်မျှော်နေကြဆဲဖြစ်သလို အခြားနိုင်ငံတွေမှာလည်း ပညာရေးတစ်ဖက် ကျန်းမာရေးတစ်ဖက်နဲ့ အငြင်းပွားမှုတွေ ရှိနေကြဆဲဖြစ်ပါတယ်။

တရုတ်နိုင်ငံမှာတော့ ရောဂါထိန်းချုပ်နိုင်သွားတဲ့ ပြည်နယ်တွေလည်း များစွာရှိနေတယ်လို့ ကြားသိရပါတယ်။ တရုတ်နိုင်ငံရဲ့ပြည်နယ်အချို့ကကျောင်းတွေလည်း ပြန်လည်ဖွင့်လှစ်လျက်ရှိနေပါပြီ။ တရုတ်နိုင်ငံ Hangzhou ပြည်နယ်က စာသင်ကျောင်းတစ်ကျောင်းရဲ့ ကလေးတွေကို ရောဂါပိုးမကူးစက်အောင် ကာကွယ်ပုံဟာဆိုရင်တော့ဖြင့် အင်တာနက်အသုံးပြုသူတွေကြားမှာ ငိုအားထက် ရယ်အားသန်ဆိုသလို ဖြစ်သွားစေခဲ့ပါတယ်။ Hangzhou ပြည်နယ်က စာသင်ကျောင်းတစ်ကျောင်းရဲ့ ကလေးတွေကိုရောဂါပိုးမကူးစက်အောင် ကာကွယ်တဲ့ ဓာတ်ပုံတွေဟာ လူမှုကွန်ယက်ပေါ်မှာ ရေပန်းစားသွားခဲ့ပြီး တစ်ကမ္ဘာလုံးကို ပျံ့နှံ့သွားခဲ့တာပါ။

သူတို့ရဲ့ ကာကွယ်နည်းကတော့ ကလေးတွေကို ပေါင်ချိန်လို ဘေးမှာ အတန်နှစ်ခုထွက်နေတဲ့ ဦးထုပ်တွေ ဆောင်းပေးထားခြင်းပါပဲ။ဒီလို ဘေးမှာအတန်ရှည်ထွက်နေတဲ့ ဦးထုပ်တွေကို ဆောင်းထားခြင်းနဲ့ ကလေးတွေဟာ အဲဒီအတန်ကြီးတွေနဲ့ မတိုက်မိအောင် အချင်းချင်းရှောင်ရှားနေရမှာဖြစ်လို့ အတူတူနီးနီးကပ်ကပ်ဆော့ကစားဖို့မဖြစ်နိုင်သလို သုံးပေထက်ပိုပြီး နီးကပ်စွာ သွားလာလှုပ်ရှားဖို့လည်း မဖြစ်နိုင်တော့ပါဘူး။

ဒါ့အပြင်ဦးထုပ်တွေကို ကလေးတွေစိတ်ကြိုက် အရောင်တွေ၊ ရုပ်ပုံတွေနဲ့ အလှဆင်ဖို့ ခွင့်ပြုပေးထားတာကြောင့်လည်း ကလေးတွေက ဦးထုပ်ဆောင်းဖို့ငြင်းဆန်ခြင်းမရှိပဲ ကျေကျေနပ်နပ်ဆောင်းထားကြတာကိုမြင်ရမှာဖြစ်ပါတယ်။ဒီအကြံဉာဏ်ဟာ အတော်လေးကောင်းမွန်လှတဲ့ အကြံဉာဏ်ဖြစ်ကြောင်း လူမှုကွန်ယက်မှာ ချီးကျူးမှုတွေပျံ့လွင့်လာနေခဲ့ပြီး တစ်ကမ္ဘာလုံးက ကျောင်းတွေက ဒီအကြံကို အတုယူသင့်တယ်လို့ ပြောဆိုမှုတွေလည်းရှိနေပါတယ်။ အချို့ကတော့ အချင်းချင်းထိုးမိတိုက်မိလို့ မျက်စိဆေးခန်းတွေမှာ လူစည်တော့မှာပဲလို့ ဝေဖန်မှုတွေလည်းရှိနေပါတယ်။ပရိသတ်ကြီးရော အခုလို ကာကွယ်မှုနဲ့ ပတ်သက်ပြီး ဘယ်လိုမြင်ကြလဲ။ ထင်မြင်ချက်လေးတွေ ပြောခဲ့ကြပါဦး။

Leave a Reply

Your email address will not be published. Required fields are marked *