ကမာရွတ်လိပ်စာနဲ့ တစ်ယောက်ကလည်း ကမာရွတ်မှာ နေထိုင်သူမဟုတ်ဘူးလို့ သိရပါတယ်။ယနေ့တွေ့ရှိတဲ့ အတည်ပြုလူနာအမှတ် ၄၆၄ နဲ့ ၄၆၅ တို့ဟာ စစ်တွေကနေ ရန်ကုန်ကို လေယာဉ်နဲ့ လာသူများဖြစ်ပြီး လေဆိပ်ကနေ လှိုင်ကွာရန်တင်းစင်တာကို ချက်ချင်းပို့ဆောင်လိုက်သူများ ဖြစ်ကြောင်း ရန်ကုန်တိုင်းကျန်းမာရေးဦးစီးဌာနက အတည်ပြုပါတယ်။ ဒီကနေ့ ရန်ကုန်မှာတွေ့ရှိတဲ့ လူနာ ၃ ဦးရဲ့အချက်အလက်နဲ့ ပတ်သက်ပြီး “တစ်ယောက် စင်ကာပူကနေ ပြန်လာတဲ့သူ။ နောက်ထပ်နှစ်ယောက်ကကျတော့ ၂၀ ရက်နေ့မှာ စစ်တွေကနေ ရန်ကုန်ကို လေကြောင်းလိုင်းနဲ့လာတဲ့သူတွေပါ။ ကွာရန်တင်းထားထားတဲ့သူတွေပါ” လို့ဒေါက်တာ ဒေါ်မို့မို့သိင်္ဂီက ပြောပါတယ်။
စစ်တွေကနေ ရန်ကုန်ကို လာတဲ့သူ နှစ်ဦးမှာ တစ်ဦးက ရန်ကုန်မြို့၊ ကမာရွတ်ကလို့ သိရတဲ့အတွက် ကမာရွတ် အုပ်ချုပ်ရေးမှူးကို ထိုအမျိုးသမီးမှာ ကမာရွတ်မြို့နယ်မှာ အမှန်တကယ်နေထိုင်သူမဟုတ်ကြောင်း ပြောပါတယ်။”ရခိုင်ကနေပြီး ကမာရွတ်မှာ သင်တန်းတက်မယ်လို့လာတယ်။ လေကြောင်းလိုင်းနဲ့လာတာ တန်းပြီး ကွာရန်တင်းသွင်းလိုက်တယ်။ သူငယ်ချင်းရဲ့ လိပ်စာကိုပေးလိုက်တာ။ ကမာရွတ်မှာ နေထိုင်ခဲ့ခြင်းမရှိပါဘူး ။ စစ်တွေလိပ်စာပါပဲ။ ဒီကိုလာပေမယ့် မရောက်လိုက်ပါဘူး ” လို့ ကမာရွတ်မြို့နယ်အုပ်ချုပ်ရေးမှူး ဦးသိန်းဇော်ဦးက ပြောပါတယ်။
ယနေ့ညနေ ၈ နာရီသတင်းထုတ်ပြန်ချက်အရ ပိုးတွေ့လူနာ ၁၁ ဦးတွေ့ခဲ့ပြီး တစ်ဦးမှာ ပြန်လာသူဖြစ်ပါတယ်။ ကျန် ၁၀ ဦးထဲမှာ ၂ ဦးက စစ်တွေကနေ ရန်ကုန်ကို လာသူနှစ်ဦးဖြစ်ကာဘူးသီးတောင်မှ ၄ ဦး၊ စစ်တွေမှ ၄ ဦးတွေ့ရှိခဲ့တာ ဖြစ်ပါတယ်။ ယနေ့တွေ့ရှိတဲ့ ပြည်တွင်းကူးစက်လူနာ ၁၀ ဦးထဲမှာ ၆ ဦးက အတည်ပြုလူနာများနဲ့ ထိတွေ့မှု မရှိထားကြောင်းကိုလည်း ကျန်းမာရေးနဲ့ အားကစားဝန်ကြီးဌာနရ့ ထုတ်ပြန်ချက်အရ သိရပါတယ်။
