ဆယ်တန်းမအောင်လည်း တက်လို့ရတဲ့ မြန်မာပြည်က တက္ကသိုလ်များ

Posted on

တက္ကသိုလ်ဝင်တန်းမှာ ကျရှုံးခဲ့ပေမယ့် သတ်မှတ်စံနှုန်းတွေနဲ့ ကိုက်ညီတဲ့ ကျောင်းသားတွေကို အခြေခံပညာအထက်တန်းဆင့် ပြီးမြောက်ကြောင်း လက်မှတ် (High School Completion Certificate) ထုတ်ပေးသွားမှာဖြစ်ပြီး အဲဒီလက်မှတ်နဲ့ ပညာရေးတက္ကသိုလ်နဲ့ အသက်မွေးဝမ်းကျောင်းဆိုင်ရာ တက္ကသိုလ်တွေမှာ ဆက်လက်ပညာသင်ယူခွင့်ရမှာဖြစ်တယ်လို့ အခြေခံပညာဦးစီးဌာန ဒုတိယညွှန်ကြားရေးမှူးချုပ် ဒေါက်တာတင်မောင်ဝင်းက ပြောပါတယ်။

ကျောင်းတွေမှာ ဖွဲ့စည်းထားတဲ့ အရည်အသွေးစိစစ်ရေးအဖွဲ့တွေက ကျောင်းခေါ်ကြိမ် ပြည့်မီမှု၊ ဘာသာရပ်အလိုက်တတ်မြောက်မှု၊ စာပေအနုပညာလုပ်ငန်းတွေမှာ ပါဝင်မှု၊ ကျောင်းစည်းကမ်းလိုက်နာမှု၊ ကျောင်းကောင်စီအသင်းအဖွဲ့တွေမှာ ပါဝင်ဆောင်ရွက်မှု စတဲ့ ကဏ္ဍ (၇) ရပ်အပေါ်မှာ အခြေခံပြီး “အခြေခံပညာအထက်တန်းဆင့် ပြီးမြောက်ကြောင်းလက်မှတ်” (High School Completion Certificate) ကိုအကဲဖြတ် ပေးအပ်သွားမှာ ဖြစ်တယ်လို့ သိရပါတယ်။

စ်စဉ် တက္ကသိုလ်ဝင်စာမေးပွဲ ကို ဖြေဆိုတဲ့အခါရာခိုင်နှုန်းအားဖြင့် ၃၀% ဝန်းကျင် စာမေးပွဲအောင်မြင်ကြပြီး တက္ကသိုလ်ပညာကို ဆက်လက်သင်ယူခွင့် ရရှိခဲ့ပါတယ်။ ကျန် မအောင်တဲ့ ၇၀% အတွက် တောက်လျောက် မစဉ်းစားခဲ့တဲ့အတွက် အားလုံးဟာ ပညာရေးလမ်းဆုံး ခဲ့ရပါတယ်။ အဲ့တာကို မဖြစ်အောင်ဆိုပြီးတော့ တက္ကသိုလ်ဝင်စာမေးပွဲ မအောင်မြင်သူ Completion Certificate ရရှိထားသူတွေက တက္ကသိုလ်ကို တိုက်ရိုက် တက်ရောက်ခွင့်မရှိသော်လည်း Undergraduate Diploma တွေလို၊ အသက်မွေးဝမ်းကြောင်း ဒီပလိုမာလို သင်တန်းမျိူးတွေ တက်ခွင့်ရအောင် အသိအမှတ်ပြုနိုင်တဲ့ လက်မှတ်တစ်ခုအနေနဲ့ ပေးမှာဖြစ်ပါတယ်။

ဥပမာ – ဂျီတီအိုင် လိုဟာမျိူး၊ စိုက်ပျိူးရေးသိပ္ပံလိုဟာမျိူး၊ ဆရာအတက်သင်ပညာရေးကောလိပ်လို၊ နောက်အခြားဝန်ကြီးဌာနမှာရှိတဲ့ အသက်မွေးဝမ်းကြောင်းလုပ်ငန်းလေးတွေနဲ့ ဆိုင်တဲ့ ဒီပလိုမာလေးတွေရှိတယ်။ အဲ့ဒီ ဒီပလိုမာလေးတွေကို ဒီလက်မှတ်နဲ့သွားပြီး တက်ရောက်ခွင့်ရအောင် ပညာရေးဝန်ကြီးဌာနက ကြိုးစားချိတ်ဆက်ဆောင်ရွက်နေပါတယ်။ ဆယ်တန်းစာမေးပွဲကို မအောင်သော်ငြားလည်း ဒီ Completion Certificate ရထားတဲ့ကျောင်းသားတစ်ယောက်ဟာ ဥပမာအားဖြင့် ဂျီတီအိုင် လိုဟာမျိူးတက်လိုက်တယ်။

ဂျီတီအိုင်မှာတက်ပြီး သူကထူးချွန်သွားတယ်ဆိုရင် ဂျီတီအိုင် ကနေမှတစ်ဆင့် နည်းပညာတက္ကသိုလ်လိုဟာမျိူးကိုပေါင်းကူးပြီးတော့သင်ယူခွင့်ရမယ်။ နည်းပညာတက္ကသိုလ် တက်ခွင့်ရပြီဆိုရင်သူက GTI ဆင်းကနေပြီးတော့ B.Tech တို့ B.E ဘွဲ့တို့ရမယ်။ B.E ဘွဲ့ရပြီဆိုရင် ရှေ့ဆက်သွားရင်M.E တို့ Ph.Dတို့ကိုဆက်ပြီးတော့သွားနိုင်တာပေါ့။

နောက်တစ်ခုက အလုပ်အကိုင်အခွင့်အလမ်းပေါ့။ အရင်တုန်းက အောက်ခြေဝန်ထမ်းတွေမှာဆိုရင် ဒဿမတန်းအောင်ရမည်။ တက္ကသိုလ်ဝင်တန်းအောင်ရမည် ဆိုတဲ့အစား ဒီလက်မှတ်နဲ့လည်း ဝင်ရောက်ယှဉ်ပြိုင် အရွေးခံခွင့်ရအောင် ပညာရေးဝန်ကြီးဌာနက အခြားဌာနအားလုံးနဲ့ ညှိနှိုင်းသွားဖို့ရှိပါတယ်။ ဆိုလိုတာကတော့ ဒီအထက်တန်းပြီးဆုံးကြောင်း လက်မှတ်သည် သာမန် လက်မှတ်မဟုတ်ဘဲနဲ့ အဓိပ္ပါယ်ရှိတယ်ပေါ့။

Meaningful Certificate ဖြစ်အောင် နောက်ပြီးတန်ဖိုးရှိတဲ့ Valuable Certificate ဖြစ်အောင်ပညာရေးဝန်ကြီးဌာနက စီစဉ်ဆောင်ရွက်နေပါတယ်။

ဒေါက်တာတင်မောင်ဝင်း ဒုတိယညွှန်ကြားရေးမှူးချူပ်

အခြေခံပညာဦးစီးဌာန ၊ပညာရေးဝန်ကြီးဌာန

Leave a Reply

Your email address will not be published. Required fields are marked *