တရုတ်မယားလုပ်ရန် မြန်မာအမျိုးသမီးငယ်များ အသက်အရွယ်လိုက် ပေါက်ဈေးများ

Posted on

ရန်ကုန်တိုင်းဒေသကြီးအတွင်း လူကုန်ကူးသူအချို့မှ မြန်မာအမျိုးသမီးငယ်များကို တရုတ်အမျိုးသားများနှင့် လက်ထပ်ရန် အတွက် ငွေကျပ်သိန်း ၄၀ မှ ငွေကျပ်သိန်း ၈၀ အထိ မက်လုံးပေးကာ လူကုန်ကူးမှုများပြုလုပ်လျှက်ရှိ ကြောင်းသိရသည်ယင်းသို့ လူကုန်ကူးမှုတွင် အသက်ငယ်ရွယ်ပြီး အိမ်ထောင်မရှိအပျိုဖြစ်ပါက ငွေကျပ်သိန်း ၈၀ နှင့်အထက်ပေးကာ အသက် အရွယ် အတော်အတန်ရှိ အိမ်ထောင်မရှိသည့် အမျိုးသမီးများကိုမူ ငွေကျပ်သိန်း ၄၀ ခန့်ပေးကာ စည်းရုံးမှုများရှိ နေကြောင်း လူကုန်ကူးခံရသည့် မိသားစုများနှင့် နီးစပ်သည့်အသိုင်းအ၀ိုင်းများထံမှ သိရသည်။

မိန်းကလေးက အပျိုဆိုရင် သူတို့ပြောတဲ့စကားအရတော့ သိန်း ၈၀ လောက်ပေးတယ်။ တချို့လည်း ပိုက်ဆံပိုရတာ တွေရှိတယ်။ နောက် အသက် ၄၀ အရွယ်လောက်ပေါ့။ အိမ်ထောင်မရှိဘူးဆိုရင်တော့ သိန်း ၄၀ လောက် ပေးတယ်” ဟု လူကုန်ကူးခံရသည့် မိသားစုများနှင့် နီးစပ်သူတစ်ဦးက ပြောကြားသည် ရန်ကုန်တိုင်းဒေသကြီးအတွင်းတွင် အဆိုပါ လူကုန်းကူးသူများ အနေဖြင့် ငွေကြေးချို့တဲ့သည့် မိသားစုများရှိ မိန်းကလေးငယ်များကို ပစ်မှတ်ထားစည်းရုံးမှုများရှိနေပြီး လိုက်ပါမည့် အမျိုးသမီးနှင့် အမျိုးသမီး၏ မိသားစု ၀င်များမှ လက်ခံပါက ရန်ကုန်မှ မူဆယ်မြို့အထိ ယင်းလူကုန်ကူးသူများက လိုက်ပါပို့ဆောင်ပေးပြီး တရုတ်နိုင်ငံဘက်ကိုမူ လူကုန်းကူးသည့်ပွဲစားများမှတဆင့် ပို့ဆောင်လျက်ရှိကြောင်းလည်း သိရသည်ထိုပြင် ၄င်းတရုတ်နိုင်ငံသားနှင့်လက်ထပ် ပေါင်းသင်းရန် သဘောတူလက်ခံသည့် အမျိုးသမီးများအနေဖြင့် တရုတ် နိုင်ငံသားနှင့် ပေါင်းသင်းချိန်အတွင်း၌ သားယောက်ကျားလေးမွေးဖွားပါက ယင်းလက်ထပ် ပေါင်းသင်းသည့် တရုတ် နိုင်ငံသား မိသားစုများက အရေးပေးဆက်ဆံခြင်းခံရပြီး မိန်းကလေးမွေးဖွားပါက ၄င်းလက်ထပ် ပေါင်းသင်းသည့် အမျိုးသမီးကိုနေရပ်သို့ပြန်လွှတ်ကာ တခြားအမျိုးသမီးတစ်ဦးနှင့် ထပ်မံလက်ထပ်ပေါင်းသင်းမှုများရှိနေကြောင်းလည်း လူကုန်ကူးခံရသည့် မိသားစုများနှင့် နီးစပ်သူတစ်ဦး၏ ပြောကြားမှုအရ သိရသည်။

လက်ရှိမြန်မာနိုင်ငံလူကုန်ကူးမှုတားဆီးနှိမ်နှင်းရေးရဲတပ်ဖွဲ့၏ သတင်းထုတ်ပြန်ချက်များအရ ပြီးခဲ့သည့် ဧပြီလအတွင်းတွင် မြန်မာနိုင်ငံအတွင်း လူကုန်ကူးသည့် အမှုပေါင်း ၁၅ မှုအထိရှိပြီး လူကုန်ကူးခံရသူ စုစုပေါင်း ၂၁ ဦးရှိကြောင်းနှင့် ရန်ကုန် တိုင်းဒေသကြီး၊ ရှမ်းပြည်နယ်၊ ကချင်ပြည်နယ်၊ မန္တလေးတိုင်းဒေသကြီးနှင့် ဧရာဝတီတိုင်းဒေသကြီးတို့အနက် ရန်ကုန် တိုင်းဒေသကြီးတွင် လူကုန်ကူးခံရမှု အများဆုံးဖြစ်ကြောင်းလည်း မြန်မာနိုင်ငံ လူကုန်ကူးမှု တားဆီးနှိမ်နှင်းရေး ရဲတပ်ဖွဲ့ ထံမှ သိရသည်။

Leave a Reply

Your email address will not be published. Required fields are marked *