ထိုင်းတွင် နက်စ်ကော်ဖီတံဆိပ်တုနှင့် ဟင်းချိုမှုန့်တုများ

Posted on

ထိုင်းနိုင်ငံအရှေ့တောင်ပိုင်း ချွန်းပူးရီးခရိုင်နဲ့ ထိုင်းအလယ်ပိုင်း ဆမွတ်ပရကန်ခရိုင်ထဲမှာ နက်စ်ကော်ဖီတံဆိပ်တုနဲ့ အာဂျီနိုမိုတိုဟင်းချိုမှုန့်အတုတွေ ဖမ်းဆီးရမိတယ်လို့ ထိုင်းရတ်သ တင်းမှာ ဖော်ပြပါတယ်။

နယ်မြေထဲမှာ ကော်ဖီ နဲ့ ဟင်းချိုမှုန့် စတဲ့ စားသုံးကုန်ပစ္စည်းအတုအပရောင်းချနေကြောင်း တိုင်ကြားချက်ရရှိတဲ့အတွက် စီးပွားရေးဆိုင်ရာရာဇဝတ်မှုကာကွယ်နှိမ်နင်းရေးတပ်ဖွဲ့၊ ပစ္စည်း မှန်ကုမ္ပဏီကိုယ်စားလှယ်နဲ့ နယ်မြေခံရဲတပ်ဖွဲ့က တာဝန်ရှိသူတွေဟာ ဒီကနေ့မနက်ပိုင်းက ခရိုင် ၂ ခုထဲရှိ နေရာ ၄ ခုကို ဝင်ရောက်စစ်ဆေးဖမ်းဆီးခဲ့တာလို့ တာဝန်ရှိသူက သတင်းထောက်ကို ပြောပါတယ်။

တာဝန်ရှိသူတွေဟာ အရင်ဆုံး ချွန်းပူးရီးခရိုင် ဆီရီရားချားမြို့ ဆီရီရားချားရပ်ကွက်ထဲရှိ ကုန်စုံဆိုင်တဆိုင်ကို ဝင်ရောက်စစ်ဆေးပြီး အဲဒီဆိုင်ထဲကနေ စုစုပေါင်း ၄၆၂၀၀ ဘတ်တန်ဖိုးရှိ နက်စ်တံဆိပ်အတုပါ ကော်ဖီထုတ်ပေါင်း ၃၀၈ ထုတ်ကို ဖမ်းဆီးရမိခဲ့ကြောင်း၊ ဒါနဲ့ ပတ်သက်ပြီး ဆိုင်ရှင်ဖြစ်သူ နန်းဆောင်ဖတ်ချရား ( ၅၈ နှစ်) ကို တပါးသူမှတရားဝင်မှတ်ပုံတင်ထားတဲ့ မူပိုင်ကုန်ပစ္စည်းအား တုပရောင်းချမှုနဲ့ အရေးယူသွားမယ်လို့ ဆိုပါတယ်။အဲဒီနောက် တာဝန်ရှိသူတွေဟာ ဆမွတ်ပရကန်ခရိုင် ဆမွတ်ပရကန်မြို့ ဖက်ကဆာရပ်ကွက် နခွန်းဘန်ဘူဈေးထဲရှိ ကုန်စုံဆိုင် ၂ ဆိုင်ထဲကနေ ဘတ် ၅၃၀၀၀ တန်ဖိုး-ရှိ အာဂျီနိုမိုတိုတံဆိပ်တု ဟင်းချိုမှုန့်အထုတ်ကြီး ၂၆၆ ထုတ်၊ ဘန်ဖရီမြို့ ဘန်ဖရီဈေးကြီးထဲက ဘတ် ၂၄၀၀၀ တန်ဖိုးရှိ အာဂျီနိုမိုတိုတံဆိပ်တု ဟင်းချိုမှုန့်တွေကိုလည်း ဖမ်းဆီးရမိတယ်လို့ ဆိုပါတယ်။ အဆိုပါ ပစ္စည်းတွေနဲ့ ပတ်သက်ပြီး ဆိုင်ရှင် ၃ ဦးမှာလည်း အရေးယူခံရမှာဖြစ်ပါတယ်။

ထိုင်းနိုင်ငံမှာ မူပိုင်မှတ်ပုံတင်ထားတဲ့ ကုန်ပစ္စည်းအမှတ်တံဆိပ်တွေကို တုပရောင်းချတယ်ဆိုရင် စီးပွါးရေးဆိုင်ရာရာဇဝတ်မှုဥပဒေအရ ထောင်ဒဏ် ၄ နှစ်ထက်မပို သို့မဟုတ် ငွေဒဏ် ဘတ် ၄ သိန်းထက်မပို ဒါမှမဟုတ် ထောင်ဒဏ်ရော ငွေဒဏ်ပါ နှစ်ရပ်လုံးကျခံရမယ်လို့ ဖော်ပြထားပါတယ်။တရားမဝင်စားသောက်ကုန်ပစ္စည်းတွေဟာ စံချိန်မမီတဲ့ ကုန်ကြမ်းတွေနဲ့ပြုလုပ်ထားလို့ စားသုံးသူတွေအတွက်လည်း ကျန်းမာရေးအန္တရာယ်ရှိကြောင်း၊ ဒါကြောင့် ကုန်ပစ္စည်းတွေကို စိတ်ချယုံကြည်ရတဲ့ဆိုင်တွေမှာ သတိထားဝယ်ယူသုံးစွဲသင့်ကြောင်း၊ အတုအပရောင်းချမှုတွေ တွေ့ရှိပါက သက်ဆိုင်ရာကို အကြောင်းကြားစေလိုကြောင်း အမှတ် ၁ ဒေသ စီးပွားရေးဆိုင်ရာ ရာဇဝတ်မှုကာကွယ်နှိမ်နင်းရေးတပ်ဖွဲ့မှ ရဲမှူးကြီး ဖတ်ထနားဖုန်း ဆီရီဖင်းဖော့က သတင်း ထောက်တွေကို ပြောသွားပါတယ်။

Leave a Reply

Your email address will not be published. Required fields are marked *