ဒိုနိုဆောခေတ် က ပိုးဟပ် မြန်မာ့ပယင်းထဲမှာ တွေ့ရှိ

Posted on

နှစ်သန်းပေါင်း ၁၀၀ ခန့်က ပိုးဟပ် မြန်မာ့ပယင်းထဲမှာ တွေ့ရှိ မြန်မာနိုင်ငံက လိုဏ်ဂူတခုအတွင်း ရှားပါး ရှေးဟောင်း ပိုးဟပ်ရုပ်ကြွင်း ၂ ခု ကို နိုင်ငံတကာ သိပ္ပံပညာရှင်တွေ ရှာဖွေ တွေ့ရှိခဲ့ပါတယ်။ ပယင်းထဲမှာ မူရင်းမပျက်ရှိနေတဲ့ အဲဒီ ပိုးဟပ် ၂ ကောင် အပေါ် သုံးသပ်ချက်တွေ ကိုတော့ ရှာဖွေတွေ့ရှိတဲ့ သိပ္ပံရှင်တွေက Gondwana သုတေသန ဂျာနယ်မှာ ဖော်ပြထားပါတယ်။

ဒီပိုးဟပ် ၂ ကောင်ကိုတော့ Crenocticola svadba နဲ့ Mulleriblattina bowangi လို့ အသီးသီး အမည်ပေးထားပြီး သူတို့ကို Nocticolidae လို့ခေါ်တဲ့ ပိုးဖလံအုပ်စုထဲမှာ ထည့်ထားတယ်လို့ ဆိုပါတယ်။ သူတို့ဟာ လွန်ခဲ့တဲ့ နှစ်ပေါင်း ၉၉ သန်းလောက်က သက်ရှိထင်ရှား ရှိနေခဲ့တာလို့ ခန့်မှန်းထားပါတယ်။ အဲဒီကာလဟာ Cretaceous ခေါ်တဲ့ ဒိုင်နိုဆောတွေ သက်ရှိထင်ရှားရှိခဲ့တဲ့ အချိန်လည်း ဖြစ်ပါတယ်။

သူတို့ကို မြန်မာနိုင်ငံ၊ ဟူးကောင်းတောင်ကြားမှာ မိုင်းတူးရာက ထွက်လာတဲ့ ပယင်းတွေထဲမှာ တွေ့ခဲ့တာလို့ ဆိုပါတယ်။ ဒီမိုင်းတွင်းနဲ့ မိုင်းတွင်းထဲက ထွက်လာတဲ့ ပယင်းတွေကို သုတေသန မျိုးစုံ ပြုလုပ်နေကြတာ ဖြစ်ပါတယ်။ သုတေသီတွေ လေ့လာဖို့အတွက် ပယင်း တန် ၁၁၀ ပေးခဲ့တယ်လို့ ဆိုပါတယ်။ အစောပိုင်းတုန်းကလည်း မိုင်းတွင်းထဲကထွက်လာတဲ့ ကျောက်မီးသွေးတွေကို သုတေသန လုပ်ခဲ့တယ်လို့ ဆိုပါတယ်။ အခုတွေ့ရှိတဲ့ ပိုးဟပ် ၂ ကောင်ဟာ ဒိုနိုဆောတွေ ရှိခဲ့တဲ့ခေတ်တုန်းက သက်ရှိထင်ရှား ရှိခဲ့ပြီး ပုံစံမပျက် ထိန်းသိမ်းထားတဲ့အခြေအနေကို ပထမဆုံး တွေ့ရှိခဲ့တာ ဖြစ်ပါတယ်။

Leave a Reply

Your email address will not be published. Required fields are marked *