ပန်းဘဲတန်းမြို့နယ်မှ လေးဦး အပါအဝင် ၁၁ ဦးတွင် COVID-19 ရောဂါပိုး ထပ်မံတွေ့ရှိ

Posted on

ရန်ကုန်တိုင်းဒေသကြီး ပန်းဘဲတန်းမြို့နယ်မှလေးဦး အပါအ၀င် ၁၁ ဦးတွင် COVID-19 ရောဂါပိုး ထပ်မံတွေ့ရှိပြီး ရောဂါပိုးတွေ့ရှိသူ ၇၄ ဦးရှိလာပြီဖြစ်ကြောင်း ကျန်းမာရေးနှင့် အားကစားဝန်ကြီးဌာန၏ ဧပြီ ၁၅ ရက် နံနက် ၁၀ နာရီ ၃၀ ထုတ်ပြန်ချက်အရ သိရသည်

ထုတ်ပြန်ချက်တွင် အမျိုးသားကျန်းမာရေး ဓာတ်ခွဲမှုဆိုင်ရာဌာန (ရန်ကုန်)သည် (၁၄-၄-၂၀၂၀) ရက်နေ့တွင် တိုင်းဒေသကြီး/ပြည်နယ် အသီးသီးမှ ပေးပို့လာသော စောင့်ကြည့်လူနာ (၁၁၂) ဦးနှင့် အသွားအလာ ကန့်သတ်ခြင်း/ တားမြစ်ခြင်း ဆောင်ရွက်ထားရှိသူ (၂၈၁) ဦးတို့၏ ဓာတ်ခွဲနမူနာများ စုစုပေါင်း (၃၉၃)ခုအား စစ်ဆေးခဲ့ရာ (ဇယား-၁) တွင် ဖော်ပြထားသူ (၁၂)ဦးတို့၏ ဓာတ်ခွဲနမူနာများတွင် COVID-19 ရောဂါပိုးတွေ့ရှိရပြီး ကျန် (၃၈၁)ဦးတွင် COVID-19 ရောဂါပိုး မတွေ့ရှိကြောင်း ပါရှိသည်။

ဓာတ်ခွဲအတည်ပြုလူနာ (Case-063) ၏ သတင်းကိုမူ ဧပြီ ၁၄ ရက် ည ၈ နာရီသတင်းတွင် ထုတ်ပြန်ချက်တွင် ပါရှိပြီးဖြစ်ကြောင်း သိရသည်။အဆိုပါ COVID-19 ရောဂါ ဓာတ်ခွဲအတည်ပြုလူနာသစ် ၁၂ ဦး၏ ကျန်းမာရေးအခြေ အနေမှာ တည်ငြိမ်ကောင်းမွန် လျက်ရှိပြီး ၎င်းတို့အား သက်ဆိုင်ရာ ဆေးရုံများသို့ ပို့ဆောင်၍ လိုအပ်သလို ကုသမှုပေးရန် စီစဉ်ဆောင်ရွက်လျက်ရှိကြောင်း ထုတ်ပြန်ချက်အရ သိရသည်။

Leave a Reply

Your email address will not be published. Required fields are marked *