ပိုးတွေ့လူနာ သင်္ဘောသား ၃ ဦးကို ကော့သောင်းခရိုင်ဆေးရုံ သီးသန့်ဆောင်သို့ ပို့ဆောင်

Posted on

ကော့သောင်းမြို့မှာ ကိုဗစ်-၁၉ ရောဂါပိုးတွေ့ရှိခဲ့တဲ့ နေရပ်ပြန်မြန်မာသင်္ဘောသား အမျိုးသား ၃ ဦးကို ကော့သောင်းခရိုင် ပြည်သူ့ဆေးရုံကြီး၊ သီးသန့်ဆောင်မှာ အထူးကြပ်မတ် ကုသမှုခံယူနိုင်ဖို့ သြဂုတ်လ ၃၀ ရက်နေ့က ပို့ဆောင်ပေးခဲ့တယ်လို့ ကော့သောင်းခရိုင် ကြက်ခြေနီတပ်ဖွဲ့မှူး ဦးကိုကိုကြီးက ပြောပါတယ်။

ပိုးတွေ့လူနာ သင်္ဘောသားတွေဖြစ်တဲ့ လူနာအမှတ် ၇၄၇ နဲ့ အမှတ် ၇၄၈ တို့မှာ ဩဂုတ် ၁၉ ရက်က တောင်အာဖရိကနိုင်ငံကတဆင့် ဝင်ရောက်လာတဲ့ MV-KOUYOU သင်္ဘောမှတာဝန်ပြီးဆုံးပြီး ဆင်းလာတဲ့ ၁၉ ဦးအဖွဲ့က ဖြစ်ပြီး အမှတ် ၇၄၉ ကတော့ ဩဂုတ် ၁၇ ရက်က အင်ဒိုနီးရှားနိုင်ငံ မှတဆင့် ဝင်ရောက်လာတဲ့ MT STEADFAST သင်္ဘောက ဆင်းလာတဲ့ ၁၄ ဦးအဖွဲ့က ဖြစ်တယ်လို့ သိရပါတယ်။

ပြန်လည်ဝင်ရောက်လာတဲ့ ​သင်္ဘောသားတွေကို Hotel Quarantine ထားရှိ ကန့်သတ် စောင့်ကြည့်ရာမှ ရောဂါပိုး စစ်ဆေးတွေ့ရှိရတာဖြစ်ပြီး ကော့သောင်းဒေသခံတွေ မဟုတ်ဘဲ ရန်ကုန်တိုင်းဒေသကြီးနဲ့ ပဲခူးတိုင်းဒေသကြီးတို့ နေထိုင်ကြသူတွေ ဖြစ်တယ်လို့သိရပါတယ်။ရောဂါပိုးတွေ့ရှိသူ သင်္ဘောသား ၃ ဦးကို မနေ့က မွန်းလွဲပိုင်းမှာ ကော့သောင်းခရိုင် ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီရဲ့ အစီစဉ်နဲ့ ခရိုင်ကျန်းမာရေးဦးစီးဌာန၊ ခရိုင်ကြက်ခြေနီတပ်ဖွဲ့က လူနာတင်ယာဉ်တွေနဲ့

Quarantine စခန်းဖြစ်တဲ့ ဟိုတယ်အသီးသီးမှ ကော့သောင်းခရိုင်၊ ပြည်သူ့ဆေးရုံကြီး အထူးကြပ်မတ်ဆောင်သို့ ပို့ဆောင်ပေးခဲ့ကြပြီး ဆေးကုသမှု ဆက်လက်ခံယူနေတယ်လို့ သိရပါတယ်။လက်ရှိမှာ အဆိုပါ ပိုးတွေ့လူနာ ၃ ဦးမှာ ကျန်းမာရေး ကောင်းမွန်နေပြီး ရောဂါလက္ခဏာမပြသေးဘူးလို့ ဆေးရုံအုပ်ကြီး ဒေါက်တာလင်းထိုက်က ပြောပါတယ်။ ပိုးတွေ့လူနာ ၃ ဦးနဲ့ ထိတွေ့မှုရှိခဲ့တဲ့ ဟိုတယ်ဝန်ထမ်းနဲ့ ကျန်းမာရေးဝန်ထမ်းအယောက် ၄၀ လောက်ကိုလည်း ကွာရန်တင်းထားရှိပြီး ဓာတ်ခွဲနမူနာရယူ စစ်ဆေးသွားမှာဖြစ်တယ်လို့ သိရပါတယ်။

Leave a Reply

Your email address will not be published. Required fields are marked *