ပူတယ်ဆိုပြီး တံတားအောက် ရေထဲ ဆင်းစိမ်တဲ့ အမျိုးသားကို အလောင်းပေါ်တယ် မှတ်လို့ ဆင်းဆယ်မှ အသက်ရှိနေကြောင်း သိရတဲ့ အဖြစ်

ထိုင်းနိုင်ငံ က အမျိုးသားတစ်ဦး ရဲ့ အဖြစ်ကတော့ ငိုအားထက် ရယ်အားသန်ပါပဲ။ ဒီအကြောင်းကို ထိုင်းသတင်းဌာန တစ်ခု ဖြစ်တဲ့ Workpoint ရဲ့ မေလ ၂၀ ရက်မှာ ဖော်ပြထားတဲ့ သတင်းအရ မြို့မှာ အလုပ်လုပ်ပြီး ပြန်လာတဲ့ အမျိုးသား တစ်ယောက် ဟာ အရက်သောက်ထားလို့ မူးနေပြီး ပူတဲ့ အတွက် တံတားအောက် ချောင်းထဲ ရေဆင်း စိမ်ပါသတဲ့။

ဒါကို တွေ့တဲ့သူ တွေက ချောင်းထဲမှာ အလောင်းပေါ်တယ်မှတ်လို့ သက်ဆိုင်ရာကို အကြောင်းကြားတဲ့ အတွက် ရဲတပ်ဖွဲ့လည်း ရောက်လာခဲ့ပြီး စစ်ဆေးတော့ မြေပေါ်မှာ သူ့ရဲ့ ဖိနပ်၊ လက်ကိုင်ဖုန်း၊ အဝတ်အစား တွေကို တွေ့ကြရပါတယ်။

အလောင်းသယ်ယူတဲ့ အဖွဲ့က ရေထဲ ဆင်းဆယ်တဲ့ အခါမှ အိပ်ပျော်နေတဲ့သူဟာ နိုးလာခဲ့ပြီး တာဝန်ရှိတဲ့ သူတွေကို ကြောင်တောင်တောင် နဲ့ ကြည့်နေတာ ဗွီဒီယို သတင်းထဲမှာ တွေ့ရပါတယ်။ အဲ့ဒီအဖြစ်ဟာ ငိုအားထက် ရယ်အား သန်သွားတာမို့ လာရောက်စောင့်ကြည့်တဲ့ ပြည်သူတွေ၊ တာဝန်ရှိသူတွေဟာ ဝါးလုံးကွဲ ရယ်ကြပါတော့တယ်။

Leave a Reply

Your email address will not be published.