ဖခင်တိုင်း သင်ပေးသင့်တဲ့ သားတစ်ယောက်အတွက် သင်ခန်းစာ ၈ မျိုး

မကြာခင် ကလေးအဖေဖြစ်တော့မယ်ဆိုရင် ဒါမှမဟုတ် မိန်းမယူဖို့ စဉ်းစားထားတယ်ဆိုရင် ဒီစာကို ဖတ်ထားသင့်ပါတယ်။ အကြောင်းကတော့ အဖေဆိုတာ သားတစ်ယောက်အတွက် စံပြပုဂ္ဂိုလ်ဖြစ်သလို တစ်သက်လုံး စွဲမြဲသွားမယ့် သင်ခန်းစာတွေကို သင်ကြားပေးတဲ့ ဆရာလည်း ဖြစ်လို့ပါ။

အခုပြောမယ့်အကြောင်းအရာဟာ အဖေတစ်ယောက်အနေနဲ့ သားတစ်ယောက်ကို တစ်သက်လုံး လူတစ်လုံး သူတစ်လုံး ဖြစ်စေမယ့် သင်ခန်းစာတစ်ချို့အကြောင်း ဖြစ်ပါတယ်။

(၁) လူကြီးလူကောင်း စိတ်သွင်းပေးပါ

အသက်မကြီးသေးပေမယ့် အမြဲတမ်း Gentleman ဖြစ်ရမယ် ၊ တစ်နည်းအားဖြင့် ယောကျာင်္းကောင်းဖြစ်ရမယ်ဆိုတဲ့ စိတ်ကို သားတစ်ယောက် စွဲနေအောင် သင်ပေးသင့်ပါတယ်။ လူကြီးလူကောင်းတစ်ယောက်ဟာ အမြဲတမ်း ကျင့်ဝတ်နဲ့ ကိုယ့်ကျင့်သိက္ခာကို ဦးစားပေးသူဖြစ်ပြီး အားနည်းသူကို ညှာတတ်တဲ့ စိတ် ၊ အမှန်တရားကို မြတ်နိုးပြီး မတရားတာကို လက်မခံတဲ့ စရိုက် ထည့်ပေးထားသင့်ပါတယ။်

(၂) မိဘတွေကို ရိုသေပါ

သားသမီးတွေ ရှေ့မှာ သူတို့ရဲ့ အဘိုးအဘွား ၊ ကိုယ့်ရဲ့ မိခင် ဖခင်ကို မလေးမစား ပြောမိ နေမိတာမျိုး ဘယ်တော့မှ လုပ်မပြမိပါစေနဲ့။ ကလေးတွေဟာ သူတို့မိဘတွေဆီကနေ အပြော ၊ အမြင် ၊ အကြား အားလုံးနဲ့ သင်ယူနေသူတွေ ဖြစ်ပါတယ်။ ကိုယ့်မိခင်ဖခင်တွေအတွက် ဂုဏ်ယူပြီး လေးစားမှု ပြသတာဟာ တကယ့်လေးစားထိုက်သူတွေရဲ့ အရည်အချင်းမှာ ပါပါတယ်။

(၃) အမျိုးသမီးတွေကို လေးစားမှု ပြပါ

ကိုယ့်ကလေးတွေကို လူတွေအပေါ် လေးစားမှု ရှိသူတွေဖြစ်အောင် ပျိုးထောင်ပေးပါ။ ကိုယ့်ဇနီးမယားကိုလည်း ချစ်တဲ့ လေးစားတဲ့ ယောကျာင်္းကောင်းတစ်ယောက်အဖြစ် သူတို့ရှေ့မှာ စံပြဖြစ်အောင် နေပါ။ အပြင်လူ အမျိုးသမီးတွေကိုလည်း အထင်အမြင်သေးတာ ၊ Body Shaming အပါအဝင် လူတစ်ဖက်သား သိက္ခာကျစေမှာမျိုးကို မလုပ်မိပါစေနဲ့။

(၄) ကိုယ်ကျင့်သိက္ခာကို တန်ဖိုးထားပါ

ယောကျာင်္းကောင်းတစ်ယောက်ရဲ့ အဖိုးမဖြတ်နိုင်တဲ့ ဓနဥစ္စာထဲမှာ ဘယ်သူ သိသိ မသိသိ ရိုးသား ဖြောင့်မှန်စွာနဲ့ အသက်ရှင်နိုင်ခြင်းလည်း ပါဝင်ပါတယ်။ ဖြောင့်မှန်ခြင်းဟာ ရေရှည် ရေတို အာချိန်တိုင်းမှာ အကောင်းဆုံး လူဖြစ်ဖို့ အကောင်းဆုံး အရည်အသွေးပါပဲ။

(၅) တာဝန်ယူစိတ် သင်ပေးပါ

ကလေးတွေရှေ့မှာ ကိုယ်ဟာ တာဝန်ယူတတ်တဲ့ ဖခင်တစ်ယောက် မိသားစုအတွက် အမြဲတမ်း ရှေ့ကနေ မားမားမတ်မတ် ရှိနေသူ အိမ်ထောင်ဦးစီးကောင်းတစ်ယောက် အဖြစ် နေထိုင်ပါ။ သူတို့ကိုလည်း တာဝန်ယူစိတ်အကြောင်း သင်ပေးပါ။ ကိုယ့်အမှားကို ချက်ချင်း ဝန်ခံတတ်ပြီး အမှန်ဖြစ်အောင် ကိုယ့်ကိုယ်ကို အမြဲ ပဲ့ပြင်သူဖြစ်စေဖို့ သင်ပေးထားသင့်ပါတယ်။

(၆) အလုပ်ကြိုးစားချင်စိတ် ဖြစ်ပါစေ

အလုပ်ကို တန်ဖိုးထားတတ်သူ ၊ ဇွဲကောင်းပြီး အခက်အခဲတွေမှာ မငြီးမငြူ ရုန်းကန်သူ ဖြစ်ဖို့ ကလေးတွေကို အားပေးသင့်ပါတယ်။ အလုပ်ကနေ ကိုယ့်ကိုယ်ကို စည်းစောင့်ခြင်း လိုမျိုး တန်ဖိုးကြီးတဲ့ သင်ခန်းစာတွေအကြောင်းလည်း သင်ပေးရမှာပါ။

(၇) လောကကို ချစ်တတ်ပါစေ

လောကလို့ဆိုရာမှာ လူတွေ ၊ တိရစ္ဆာန်တွေနဲ့ တောတောင် ရေမြေသဘာဝတွေကိုပါ စောင့်ရှောက်ချင်စိတ် ၊ ချစ်ခင် တွယ်တာတဲ့ စိတ်မျိုးကို ဆိုလိုပါတယ်။ အတ္တနည်းနည်းနဲ့ လူမှုပရဟိတ လုပ်ချင်စိတ် ၊ ကိုယ့်ကိုယ်ကို တိုးတက်ချင်စိတ်တွေလည်း ထည့်ပေးသင့်ပါတယ။်

(၈) ဘာသာတရားကိုင်းရှိုင်းပါစေ

ဘာသာတရားဟာ လူတွေရဲ့ စာရိတ္တပြုပြင်ဖို့နဲ့ စိတ်ကောင်း နှလုံးကောင်း ရှိဖို့အတွက် အားကိုးရာ ဖြစ်ပါတယ်။ ဘာသာတရားရဲ့ အဓိပ္ပါယ်ဟာ အမှန်တရားကို မြတ်နိုးခြင်း ၊ ကျင့်ဝတ်သိတတ်ခြင်း ၊ လောကဓံကို နှလုံးသွင်းမှန်စေခြင်းအပြင် သေလွန်ပြီး နောက်ဘဝအတွက်ပါ အဖြေပေးတာကြောင့် ဘဝတစ်လျှောက်လုံး ဘာသာရေး သက်ဝင်ကိုင်းရှိုင်းတဲ့ သားသမီးတွေ အဖြစ် သင်ပေးနိုင်မယ်ဆိုရင် မိဘတစ်ယောက်ဟာ တစ်သက်လုံး စိတ်ချမ်းသာရမှာပါ။

Leave a Reply

Your email address will not be published.

Show Buttons
Hide Buttons