ယနေ့နံနက် ထုတ်ပြန်ချက် ကိုဗစ်-၁၉ လူနာသစ် ၂၆ ဦးထပ်တိုး

Posted on

ရောဂါဓာတ်ခွဲစစ်ဆေးရာတွင် အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) (NHL)မှ ဓာတ်ခွဲနမူနာ ၅၆၄ ခု၊ ဆေးသုတေသနဦးစီးဌာန (DMR) မှ ဓာတ်ခွဲနမူနာ ၂၅ ခုနှင့် ပြည်သူ့ဆေးရုံကြီး ကျောက်ဖြူမြို့မှ ဓာတ်ခွဲနမူနာ ၃၂ ခုတို့ကို စစ်ဆေးရာ COVID-19 ရောဂါ ဓာတ်ခွဲအတည်ပြုလူနာသစ် ၂၆ ဦး တွေ့ရှိကြောင်း ကျန်းမာရေးနှင့် အားကစားဝန်ကြီးဌာနက ယနေ့နံနက်တွင် ထုတ်ပြန်သည်။

ထို့ကြောင့် သြဂုတ် ၂၈ရက် နံနက် ၈နာရီအထိ မြန်မာနိုင်ငံတွင် ကိုဗစ်-၁၉ ရောဂါ ဓာတ်ခွဲအတည်ပြုလူနာ ၆၂၈ ဦး ရှိပြီဖြစ်သည်။ဓာတ်ခွဲစစ်ဆေးပြီးစီးချိန်နှင့်သတင်းထုတ်ပြန်ချိန်အကြားအချိန်တိုတောင်းခြင်းကြောင့် ဓာတ်ခွဲအတည်ပြု လူနာသစ်များ၏ သတင်းအချက်အလက်များကို ပြုစုလျက်ရှိကာ ပြီးစီးပြီးနောက်မှသာ ထပ်မံထုတ်ပြန်သွားမည် ဟုဖော်ပြထားသည်။COVID-19 ရောဂါဖြစ်ပွားမှုနှင့်ပတ်သက်ပြီး သြဂုတ် ၂၇ ရက်ကလည်း ပိုးတွေ့လူနာ ၂၂ ဦးရှိခဲ့သည်။

Leave a Reply

Your email address will not be published. Required fields are marked *