ရခိုင်ပြည်နယ်တွင် အဆင်ပြေသည့်ပတ်ဝန်းကျင်ဖန်တီးပေးရမည့်အစား တိုက်ပွဲများတွင် မြန်မာပါဝင်နေဟု ဘင်္ဂလားဒေ့ရ်ှနိုင်ငံခြားရေးဝန်ကြီးစွပ်စွဲ

Posted on

ရခိုင်ပြည်နယ်တွင် ဘင်္ဂါလီ(မူရင်းတွင်ရိုဟင်ဂျာဟုဖော်ပြ)သိန်းချီနေရပ်ပြန်နိုင်ရန် သင့်လျော်သည့် အခြေအနေများဖန်တီးပေးရမည့်အစား ရခိုင်ပြည်နယ်မှတိုက်ပွဲများတွင် မြန်မာနိုင်ငံလည်း ပါဝင်နေသည်ဟု ဘင်္ဂလားဒေ့ရ်ှနိုင်ငံခြားရေးဝန်ကြီး ဒေါက်တာ အေကေ အဗ္ဗဒူ မိုမန်က ကြာသပတေးနေ့တွင်ပြောသည်။

ပဋိပက္ခများကြာရှည်တည်တံ့နေခြင်းကြောင့် တော်လှန်လိုစိတ်များနှင့် ငြိမ်းချမ်းသောဒေသဖြစ်ရေးမျှော်လင့် ချက်များပျက်စီးသွားစေနိုင်သည့် မရေရာမှုများဖြစ်လာနိုင်သည်ဟုလည်းပြောသည်။အာရှတိုက်အပြန်အလှန်ဆက်သွယ်ခြင်းနှင့်ယုံကြည်မှုတည်ဆောက်ရေးညီလာခံ(CICA)၏ နိုင်ငံခြား ရေးဝန်ကြီးများအထူးအစည်းအဝေးတွင် ရုပ်သံမိန့်ခွန်းပြောခဲ့ခြင်းဖြစ်သည်။

CICA သည် အာရှတိုက်တွင် ငြိမ်းချမ်းရေး၊ လုံခြုံရေးနှင့် တည်ငြိမ်မှုပိုမိုရရှိစေရန် ပူးပေါင်းဆောင်ရွက်မှုမြှင့် တင်ရေး အစိုးရအဖွဲ့များကြားဖိုရမ်ဖြစ်သည်။ဘင်္ဂလားဒေ့ရ်ှစီးပွားရေး၊ ဂေဟစနစ်နှင့် လူမှုသက်ရောက်မှုများကို ခြိမ်းခြောက်မှုများရှိနေသော်လည်း လူသားချင်းစာနာထောက်ထားမှုအခြေခံဖြင့် လူအမြောက်အမြားသတ်ဖြတ်မှုကြောင့် မြန်မာနိုင်ငံမှ ထွက်ပြေးလာသည့်ဒုက္ခသည်များကို ဘင်္ဂလားဒေ့ရ်ှနိုင်ငံက ခိုလှုံခွင့်ပေးထားကြောင်းလည်း မိုမန်ကပြောသည်။

ဘင်္ဂါလီပြဿနာကို မဖြေရှင်းပါက မြန်မာနိုင်ငံ၏တည်ငြိမ်မှုနှင့်စီးပွားရေးတိုးတက်မှုများကို ထိခိုက်နိုင်ပြီး ပြဿနာကို ဖန်တီးခဲ့သည့်မြန်မာနိုင်ငံတွင်သာ အဖြေရှိနေသည်ဟုလည်း ပြောသည်။

Leave a Reply

Your email address will not be published. Required fields are marked *