ရခိုင်ပြည်နယ်အတွင်းလက်ရှိဖွင့်ထားသောကျောင်းများအားလုံးကို ယနေ့ကစ၍ပြန်လည်ပိတ်လိုက်ပြီ

Posted on

ရခိုင်ပြည်နယ်အတွင်း လက်ရှိဖွင့်ထားသော အခြေခံပညာအထက်တန်းကျောင်းများအားလုံးကို ယနေ့ သြဂုတ်လ ၂၁ ရက်က စ၍ ပြန်လည် ပိတ်လိုက်ပြီဖြစ်ကြောင်း ခရိုင်စီမံခန့်ခွဲမှုကော်မတီ တာဝန်ရှိသူက ပြောသည်။

ပြီးခဲ့သည့် သြဂုတ်လ ၁၆ ရက်ကစ၍ စစ်တွေမြို့တွင် ကိုဗစ်အတည်ပြုလူနာတွေ့ရှိပြီးနောက်ပိုင်း သြဂုတ်လ ၁၉ ရက်၊သြဂုတ်လ ၂၀ ရက်၊သြဂုတ်လ ၂၁ ရက်တို့တွင် ပိုးတွေ့လူနာများ ဆက်တိုက်တွေ့ရှိခဲ့ခြင်း ဖြစ်သောကြောင့် ယခုအခါ စစ်တွေမြို့တွင် ပိုးတွေ့လူနာ ၁၉ ဦးထိ ရှိနေပြီ ဖြစ်သည်။

ယင်းကြောင့် စစ်တွေမြို့မှ အခြားသောမြို့နယ်များသို့ သွားရောက်သူမှန်သမျှကိုလည်း Quarantine ထားရန်လည်း ပြည်နယ်အစိုးရက သက်ဆိုင်ရာအဖွဲ့အစည်းများကို ညွှန်ကြားထားကြောင်းလည်း သိရသည်။

Leave a Reply

Your email address will not be published. Required fields are marked *