ရှားပါးဇာတ်ပိုစတာရေးနည်းဖြင့် ရေးဆွဲထားသည့် ဒေါ်အောင်ဆန်းစုကြည် ပုံတူပန်းချီ

Posted on

တချိန်က ခေတ်စားခဲ့ပြီး ခုကာလမှာ တွေ့ရနည်းလာပြီဖြစ်တဲ့ ရှားပါးဇာတ်ပိုစတာ ရေးနည်းနဲ့ ရေးဆွဲထားတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ပုံတူ ပိုစတာ ပန်းချီကားဟာ အင်တာနက်လူမှုကွန်ရက်စာမျက်နှာတွေပေါ် ရေပန်းစားနေပါတယ်။ဒီပိုစတာပုံတူပန်းချီကိုတော့ လင်္ကာဒီပအနုပညာအင်အားစုမှ ပန်းချီအနုပညာရှင်တွေက ဖန်တီးရေးဖွဲ့ခဲ့ကြတာ ဖြစ်ပါတယ်။

ဒီလိုရေးဖွဲ့ပုံကိုတော့ ပြီးခဲ့တဲ့ ဇူလိုင်လ ၂၆ ရက်နေ့က ရေးဖွဲ့ရာမှာ ပါဝင်သူတယောက်ဖြစ်တဲ့ ပန်းချီအနုပညာရှင် အောင်ကျော်ထွန်းက ဖေ့စ်ဘွတ်ခ်ပေါ်မှတဆင့် လိုက်ဖ်လွှင့် ပြသခဲ့တာဖြစ်ကာ ဒီကနေ့မှာတော့ အဆုံးသတ်နိုင်ခဲ့ပြီ ဖြစ်ပါတယ်။ကြီးမားတဲ့ ပိုစတာပန်းချီတွေကို တချိန်ကတော့ ရုပ်ရှင်ရုံတွေ၊ ဇာတ်ပွဲတွေရဲ့ ရှေ့ မှာ ခမ်းခမ်းနားနား ထားရှိအသုံးပြုခဲ့ကြပြီး ဒီကနေ့ခေတ်မှာတော့ တိုးတက်မြင့်မား လာတဲ့ နည်းပညာတွေကြောင့် အသုံးပြုမှုတွေ မတွေ့ရသလောက် နည်းပါးလာခဲ့ပြီ ဖြစ် ပါတယ်။

ဒီလိုဖန်တီးရေးဖွဲ့ရာမှာတော့ ကျော်ကြားတဲ့ ရုပ်ရှင်မင်းသားမင်းသမီး၊ ဇာတ်မင်း သားတွေရဲ့ ရုပ်လုံးကြွပုံတူတွေကို အဖွဲ့လိုက်အနေနဲ့ အလျားပေ ၁၀၀ အနံပေ ၂၀ လောက်ထိ ကြီးမားတဲ့ ပိုစတာတွေနဲ့အတူ ပန်းချီပညာရှင်တွေဟာ ရုပ်ရှင်၊ ဇာတ်သဘင် ရွှေခေတ်တခေတ်အနေနဲ့ ရှင်သန်ခဲ့ကြဖူးပါတယ်။

ခုတခါမှာတော့ ဒီရေးဖွဲ့ဟန်နဲ့ နိုင်ငံတော်အတိုင်ပင်ခံပုဂ္ဂိုလ် ပုံတူဖန်တီးမှုကို တကျော့ပြန် လေ့လာနိုင်မှာဖြစ်ကာ ဒီပုံကို ဘယ်သူမဆို လွတ်လပ်စွာယူသုံးခွင့်ရှိကြောင်းလည်း ပန်းချီဆရာ အောင်ကျော်ထွန်းက သူ့ရဲ့ ဖေ့စ်ဘွတ်ခ်အင်တာနက်လူမှုကွန်ရက်ပေါ်မှတဆင့် ခုလိုရေးသား ဖော်ပြထားခဲ့တာကို တွေ့ရပါတယ်။“Poster ရေးတယ်ဆိုတာ အများနဲ့ အုပ်စုဖွဲ့ရေးရတာမျိုးပါ… လက်ာဒီပ အနုပညာ အင်အားစုမှ ရေးဖြစ်တဲ့ အမေစုရဲ့ ပုံလေးအပြီးသတ်ပါပြီ မည်သူမဆို လွတ်လပ်စွာ ယူသုံးခွင့်ပြုသည်… ပုံအကြည်လိုချင်ပါက Viber ကပို့ပေးသည် 09 798231802ကို Hi ပါ”

Leave a Reply

Your email address will not be published. Required fields are marked *