“လိပ်ပြာစံအိမ်” ရုပ်ရှင်ဇာတ်ကားနဲ့ စင်္ကာပူနိုင်ငံမှ ချီးမြှင့်တဲ့ အကောင်းဆုံးအမျိုးသမီးဇာတ်ဆောင်ဆု ရရှိခဲ့တဲ့ ဝတ်မှုံရွှေရည်

Posted on

နိုင်ငံကျော်မင်းသမီးလေး ဝတ်မှုံရွှေရည်ကတော့ သရုပ်ဆောင်ကောင်းပြီး ကျရာဇာတ်ရုပ်တိုင်းကို စိတ်ရောကိုယ်ပါနစ်ပြီး အကောင်းဆုံး သရုပ်ဆောင်တတ်သူလေး ဖြစ်ပါတယ်။ ဝတ်မှုံရွှေရည်ရဲ့ ပြောင်မြောက်လှတဲ့ အနုပညာအရည်အသွေးကြောင့် နိုင်ငံခြားက ဒါရိုက်တာတွေ၊ သရုပ်ဆောင်တွေနဲ့ ရုပ်ရှင်ဇာတ်ကားပေါင်းများစွာ ရိုက်ကူးခဲ့ပြီး အာရှနိုင်ငံတော်တော်များများကလည်း သူမကို အားပေးလက်ခံကြပါတယ်။

အကယ်ဒမီဆု(၂)ဆုကို လက်ဝယ်ပိုင်ဆိုင်ထားတဲ့ မင်းသမီးလေး ဝတ်မှုံရွှေရည်က ယခုမှာလဲ Asian Academy Creative Awards ဆုကို ထပ်မံ ရရှိခဲ့ကြောင်း ဝမ်းမြောက်စွာနဲ့ သိရပါတယ်။

ဝတ်မှုံရွှေရည်က စင်္ကာပူနိုင်ငံမှာ ပြုလုပ်တဲ့ Asian Academy Creative Awards 2019 ပွဲကြီးမှာ “လိပ်ပြာစံအိမ်” ရုပ်ရှင်ဇာတ်ကားကြီးနဲ့ (Best Actress in Leading Role = အကောင်းဆုံး အမျိုးသမီးဇာတ်ဆောင်ဆု) နဲ့ ကလေးသရုပ်ဆောင် ပြည့်ပြည့်ကလည်း “လိပ်ပြာစံအိမ်” ရုပ်ရှင်ဇာတ်ကားကြီးနဲ့ (Best Actress in Supporting Role= အကောင်းဆုံး အမျိုးသမီးဇာတ်ပို့ဆု ) တို့ကို ရရှိကြောင်း တရားဝင်ကြေညာခဲ့တာ ဖြစ်ပါတယ်။

ဝတ်မှုံရွှေရည်က ပြီးခဲ့တဲ့ မေလတုန်းကလည်း ကိုရီးယားနိုင်ငံမှ ချီးမြှင့်တဲ့ Asia Special Award ဆုကို ပူပူနွေးနွေး ရရှိထားခဲ့သူလေး ဖြစ်ပါတယ်။

ပရိသတ်တွေက ဝတ်မှုံရွှေရည်ကို “လိပ်ပြာစံအိမ်” ရုပ်ရှင်ဇာတ်ကားကြီးနဲ့ (၂၀၁၉) ခုနှစ် မြန်မာ့အကယ်ဒမီ ထူးချွန်ဆုကို ထပ်မံရရှိဦးမယ်လို့ ထင်ကြေးပေးနေကြတာ ဖြစ်ပါတယ်။ ပရိသတ်ကြီးလည်း ဝတ်မှုံရွှေရည်အတွက် ဂုဏ်ယူဝမ်းမြောက်နေကြမယ် ထင်ပါတယ်နော်။