လူနာအမှတ် ၇၄၁ က လေဆိပ်ဝန်ထမ်းဖြစ်၊တာဝန်ချိန်မှာဖျားနာလို့ ဆေးခန်းပြရာက ပိုးတွေ့

Posted on

လူနာနဲ့ ဆက်စပ်ထိတွေ့သူ ၁၅ ဦးကို ဓာတ်ခွဲစစ်ဆေးမှာပါ။အတည်ပြုလူနာနဲ့ ထိတွေ့ခဲ့ခြင်းမရှိ၊ ပြည်ပခရီးသွားရာဇဝင်လည်း မရှိတဲ့ မြောက်ဥက္ကလာပမြို့နယ်က ပိုးတွေ့လူနာအမှတ် (၇၄၁) ဟာ ရန်ကုန်လေဆိပ် လုံခြုံရေးဝန်ထမ်းတစ်ဦးဖြစ်ပြီး တာဝန်ချိန်အတွင်းဖျားနာလို့ ဆေးခန်းပြရာကနေ ကိုဗစ်-၁၉ ပိုးတွေ့ရှိခဲ့တယ်လို့သိရပါတယ်။

ပိုးတွေ့ခဲ့တဲ့ လေဆိပ်လုံခြုံရေးဝန်ထမ်းမှာ အသက် ၂၆ နှစ်အရွယ် အမျိုးသမီးတစ်ဦးဖြစ်ပြီး သူဟာ သြဂုတ်လ ၂၇ ရက်က တာဝန်ချိန်အတွင်း ဖျားနာလို့ လေဆိပ်က ဆေးခန်းကို သွားပြရာကနေ သံသယလက္ခဏာ တွေ့ရှိခဲ့လို့ အင်းစိန်ဆေးရုံကို စောင့်ကြည့်လူနာအဖြစ် ပို့ဆောင်ကုသခဲ့တာပါ။ အဲဒီနောက် ဓာတ်ခွဲနမူနာရယူစစ်ဆေးခဲ့ရာ သြဂုတ်လ ၃၀ ရက်မနက်မှာ ပိုးတွေ့လူနာအဖြစ် ကျန်းမာရေးနှင့်အားကစားဝန်ကြီးဌာနက ကြေညာခဲ့ပါတယ်။

“ သူက လေဆိပ်မှာ ၂၇ ရက်နေ့ကစပြီး ဂျူတီပြန်ဆင်းတယ်။ အဲဒီနေ့မှာပဲ ဖျားတယ်ပေါ့နော်။ ၂၇ ရက်နောက်ပိုင်းတော့ သူက ဆေးရုံမှာပဲ စောင့်ကြည့်နေရင်း ပိုးတွေ့ခဲ့တာပါ။ လူနာက လေဆိပ်ဝန်ထမ်းဖြစ်တော့ ကယ်ဆယ်ရေးလေယာဉ်က ပြန်လာသူတွေနဲ့ ထိတွေ့နိုင်တယ်။ နောက် ရခိုင်ပြည်နယ်က လေကြောင်းလိုင်းကတစ်ဆင့် ဝင်လာသူတွေနဲ့ ဆက်စပ်ထိတွေ့နိုင်တာပေါ့။ “ လို့ မြောက်ဥက္ကလာပမြို့နယ် တိုင်းဒေသကြီးလွှတ်တော်ကိုယ်စားလှယ် ဦးမြင့်လွင်က ပြောပါတယ်။လူနာအမှတ် ၇၄၁ ဟာ မြောက်ဥက္ကလာပမြို့နယ်၊ ကျောက်ရေတွင်းရပ်ကွက်၊ ရွှေဘုန်းပွင့်ဘုရား အနီးနေထိုင်သူဖြစ်ပြီး လူနာနေထိုင်ရာ လမ်းကို ပိုးသတ်ဆေးဖြန်းထားကာ လူနာရဲ့ မိသားစုတွေအပါအဝင် အနီးကပ်ဆက်စပ်ထိတွေ့သူ(၁၅) ဦးကိုလည်း ကွာရန်တင်းစင်တာကို ပို့ဆောင်လိုက်ပြီလို့သိရပါတယ်။

Leave a Reply

Your email address will not be published. Required fields are marked *