လှိုင်မြို့နယ်မှာ နေရာအခက်အခဲကြောင့် နေအိမ်ကွာရန်တင်းထားရတဲ့ လူနာနဲ့တိုက်ရိုက်ထိတွေ့သူ ၁၀၀ ဝန်းကျင်ရှိ

Posted on

လှိုင်မြို့နယ်အတွင်း လော့ဒေါင်း ပြုလုပ်ထားတဲ့နေရာပေါင်း ၅၄ နေရာရှိနေပါတယ်။ကိုဗစ်ပိုးတွေ့လူနာနဲ့ တိုက်ရိုက်ထိစပ်သူတွေကို ကို Facility Quarantine ထားချင်ပေမယ့် ကွာရန်းတင်စင်တာ မလုံလောက်ဖြစ်နေတဲ့အတွက် နေအိမ်မှာသာ ကွာရန်တင်းထားရှိစောင့်ကြည့်နေရတယ်လို့ လှိုင်မြို့နယ် ကိုဗစ်ကော်မတီက သိရပါတယ်။

ဒါကြောင့် လိူင်မြို့နယ်က ပိုးတွေ့လူနာနဲ့ တိုက်ရိုက်ထိတွေ့သူတွေကို Home Quarantine ထည့်ထားကာ ၊ လိုက်နာရမယ့် စည်းကမ်းတွေကိုတော့ ကွာရန်တင်းစင်တာမှာ ပြုလုပ်တဲ့အတိုင်း ဆောင်ရွက်ပြီး အသွားအလာကန့်သတ် လော့ဒေါင်းပြုလုပ်ထားရတယ်လို့ သိရပါတယ်။”ရှိ တဲ့ ကွာရန်တင်းစင်တာ တွေကပြည့်သွားတော့ ပိုးတွေ့လူနာတွေနဲ့ ထိတွေ့တဲ့ contact person တွေကို အိမ်မှာပဲ ကွာရန်တင်းထားထားနေရတယ်။တချို့တိုက်တွေက အဆင်မပြေဘူး၊ ပတ်ဝန်းကျင်က အဆင်မပြေဘူး။ ပြည်သူတွေကလဲပြောတယ် ၊ဒါကလည်းမှန်ပါတယ်၊ ဒါကြောင့် ကိုယ်မြို့နယ်ကိုတာဝန်ယူတဲ့ကွာရန်တင်းစင်တာတွေဆောင်ရွက်ဖို့ အရန်ထားဖို့ လုပ်နေပါတယ်။ ညကဆို ဟုမ်းကွာရင်တင်း ထားထားတဲ့ ၅၇ ယောက်ကို ချက်ခြင်း FQထည့်လိုက်ပြီ”လို့ လှိုင်မြို့နယ် ကိုဗစ်ကော်မတီဝင် ကိုကျော်ကျော်ထွန်းလှိုင်ကပြောပါတယ်။

လက်ရှိ လှိုင်မြို့နယ်အတွင်းမှာ Home Quarantine ထားစောင့်ကြည့်နေရတဲ့ ကိုဗစ်အတည်ပြုလူနာတွေနဲ့ တိုက်ရိုက်ထိတွေ့မှုရှိထားသူပေါင်း ၁၀၀ ဝန်းကျင်ကျန်နေသေးတယ်လို့ သိရပါတယ်။” home ထည့်ထားတာက contact person တွေပါ၊ ပိုးတွေ့လူနာရဲ့ အိမ်သူအိမ်သားတွေပေါ့။သူတို့အနေနဲ့ လိုက်နာရမှာကတော့ ကွာရန်တင်းစင်တာတွေမှ ဆောင်ရွက်တဲ့အတိုင်းပဲ ၁၄ ရက် ဘယ်မှ မထွက်ရဘူး။ အိမ်မှာနေရမယ်၊ အစားအသောက်ကို ကျနော်တို့ကတာဝန်ယူမယ်။ ခုဆိုရင် H ထားတာ ၁၀၀ လောက်ရှိသေးတယ်။”လို့ ၎င်းကထပ်မံပြောပါတယ်။လက်ရှိ လှိုင်မြိုနယ်မှာ ဒီကနေ့ စက်တင်ဘာလ ၁၈ ရက်နေ့မနက်အထိသိရှိချက်အရ ကိုဗစ်အတည်ပြုလူနာ ပေါင်း ၉၆ ဦးရှိပြီး ယင်းအနက် သေဆုံးလူနာ ၃ ဦး၊ ရောဂါပျောက်ကင်း သူ ၃ ဦးရှိတယ်လို့ သိရပါတယ်။လှိုင်မြို့နယ်အတွင်း လော့ဒေါင်း ပြုလုပ်ထားတဲ့နေရာပေါင်း ၅၄ နေရာရှိနေပါတယ်။

Leave a Reply

Your email address will not be published. Required fields are marked *