သီချင်းဆိုနိုင်ဖို့ ကြိုးစားမယ်ဆိုတဲ့ ဧငြိမ်းဖြူ

Posted on

ချစ်သူကလည်း သီချင်းဆိုဖို့ တိုက်တွန်းတယ်လို့ ပြောပါတယ်။ဧငြိမ်းဖြူကို သီချင်းတွေဆိုဖို့ ချစ်သူဖြစ်တဲ့ ရဲရင့်အောင်က တိုက်တွန်းတဲ့အကြောင်းတွေ ပြောပြလာပါတယ်။ ဧငြိမ်းဖြူကတော့ သီချင်းတွေဆိုဖို့ သင်တန်းတက်ပြီး လေ့လာသွားမယ်လို့ ဆိုပါတယ်။ ချစ်သူဖြစ်တဲ့ ရဲရင့်အောင်ကလည်း သူမဆိုမယ့် သီချင်းတွေကို ရေးပေးချင်တဲ့ဆန္ဒရှိတယ်လို့ မီဒီယာ တွေကို ဖြေဆိုခဲ့ပါတယ်။

သူက ဧကို သီချင်းဆိုဖို့ ခဏခဏပြောတယ်။ ဧ အသံနဲ့ သီချင်းဆိုဖို့ ဘယ်လိုလုပ်ဖြစ်မှာလဲနော်။ သူကတော့ သင်တန်းတွေသေချာတတ်ပြီးဆိုစေချင်တယ်။ သူကိုယ်တိုင်ကလည်း ဧ အတွက် သီချင်းရေးစေချင်တယ်လို့ပြောတယ်။ ဒါပေမယ့် ဧ အတွက်ကတော့ လုံးဝ ယုံကြည်မှု မရှိပါဘူး။ ကိုယ်ကသရုပ်ဆောင် တစ်ယောက်ဖြစ်တဲ့အတွက် နောက်ပိုင်းကျရင် အသံနဲ့ပတ်သက်ပြီးတော့ သင်တန်းတွေလည်း တက်ဖို့ အများကြီး စီစဉ်ထားတယ်” ဆိုပြီးတော့ G.O.A.T အခွေ မိတ်ဆက်ပွဲမှာ ဖြေဆိုခဲ့တာပါ။

ဧငြိမ်းဖြူကိုယ်တိုင်ကလည်း သူမရဲ့ အသံနဲ့ ပတ်သက်ပြီး အားရကျေနပ်မှု မရှိဘူးလို့ဆိုလာပါတယ်။ စကားပြောတိုင်း အရမ်းဆင်ခြင်နေရတယ်လို့ သူက ပြောပါတယ်။ “ ကိုယ့်အသံကိုယ် အားမရတာတော့ အမြဲတမ်းပါပဲ။ အဲဒါကြောင့်မို့လို့ ဧ စကားတစ်ခုခု ပြောရင် သတိထားရတယ်။ နဂိုကတည်းက ကိုယ်က စကားပြောမြန်တဲ့လူဆိုတော့ အရမ်းဆင်ခြင်ရတယ်။ သူဆို ဧ ကို ခဏခဏပြောတယ် စာကလေးအသံနဲ့ အရမ်းပြောတာပဲလို့ ပြောလွန်းလို့ အခုဆို တော်တော် ကို ထိန်းပြီးပြောနေရတယ်” လို့ ဆက်လက် ပြောပြခဲ့ပါတယ်။

ရဲရင့်အောင် နဲ့ ဧငြိမ်းဖြူ တို့ ချစ်သူ နှစ်ဦးဟာ အခုဆိုရင် ချစ်သူ သက်တမ်း ၃ နှစ်ရှိပြီဖြစ်ပါတယ်။ ၂၀၁၇ ခုနှစ် ဧပြီလ အတွင်းမှာပဲ ချစ်သူအဖြစ် လက်တွဲခဲ့ကြသူတွေပါ။ ဧငြိမ်းဖြူကတော့ လက်ရှိမှာ ရေဒီယို ကက်ဆက် ဇာတ်လမ်းတွဲတွေမှာ ပါဝင်သရုပ်ဆောင်နေတာဖြစ်သလို သူ ဝါသနာပါတဲ့ Dancer အလုပ်ကိုလည်း လုပ်ကိုင်လျှက်ရှိပါတယ်။

Leave a Reply

Your email address will not be published. Required fields are marked *