သူ့ရဲ့ သမိုင်းစာမျက်နှာမှာ မှတ်တမ်းတင်ရလောက်တဲ့အထိဖြစ်ခဲ့တဲ့ (၂၂)နှစ်ပြည့်မွေးနေ့လေးရဲ့ အမှတ်တရတွေကို ပြောပြလာတဲ့ အက်စတာ

Posted on

ပရိသတ်တွေရဲ့ အချစ်တော် မြန်မာအိုင်ဒေါ Season (4) ရဲ့ Winner ဆုရှင်ဖြစ်တဲ့ အက်စတာကတော့ ပြီးခဲ့တဲ့ ဖဖေဖော်ဝါရီလ (၂၀)ရက်နေ့က အသက်(၂၂)နှစ်ပြည့်မြောက်ခဲ့တာပဲဖြစ်ပါတယ်။အက်စတာကတော့ ဒီနေ့မှာ သူ့ရဲ့ (၂၂)နှစ်ပြည့်မွေးနေ့လေးမှာ ကြုံတွေခဲ့ရတာတွေက သူရဲ့ဒီတစ်သက်မွေးနေ့လက်ဆောင်လေးအနေနဲ့ သူ့ရဲ့သမိုင်းစာမျက်နှာလေးမှာ မှတ်တမ်းတင်လိုက်တဲ့အကြောင်းကို သူ့ရဲ့လူမှုကွန်ရက်စာမျက်နှာကနေဖော်ပြလာခဲ့ပါတယ်။

“ရှေးဦးစွာမြေမှုန်ထဲကနေချီးမြှောက်ပေးတဲ့ဘုရားသခင်ဂုဏ်တော်ချီးမွမ်းတယ်။ပြီးတော့ (၂၂)နှစ်ပြည့်တိုင်အောင်ပြုစုပျိုးထောင်ပေးပီးအမြဲတမ်းနောက်ကနေဆုတောင်းပေးပြီးမားမားမတ်မတ်ရပ်တည်ပေးတဲ့ ဖေဖေနဲ့မေမေ သမီးမိသားစုကိုကျေးဇူးတင်ပါတယ်။သမီးကို အမေစုမီးပုံပွဲမှာအထူးဧည့်သည်အနေနဲ့ဖိတ်ကြားပေးတဲ့ ချင်းပြည်နယ်အစိုးရဝန်ကြီးများနဲ့အဖွဲ့ဝင်များအားလုံးနဲ့ (၇၂)ကြိမ်မြောက်ချင်းပြည်နယ်နေ့(Chin National Day )မှာဖိတ်ကြားပေးတဲ့ ထန်တလန်မြို့ကမြို့မိမြို့ဖများအားလုံး ပြောပြမတက်လောက်အောင်အထူးပင်ကျေးဇူးတင်ပါတယ်ရှင့်။

ဘဝမှာဘာနဲ့မှလဲလို့မရတဲ့အဖိုးတန်ဆုံးအချိန်ထဲကတစ်ခုပါ အမေစုရှေ့မှာသီချင်းဆိုရုံတင်မက စကားပြောခွင့်ပေးတဲ့အပြင် နွေးထွေးစွာဖက်ခွင့်ရလို့ပြောမပြတက်လောက်အောင်ကျေးဇူးတင်ပါတယ်။ အခုထိအိပ်မက်လားတကယ်လားမယုံနိုင်သေးဘူးသမီးဒီတစ်သက်မွေးနေ့လက်ဆောင်လေးအနေနဲ့ ကိုယ့်သမိုင်းစာမျက်နှာလေးမှာ မှတ်တမ်းတင်လိုက်ပြီ”ဆိုပြီးဖော်ပြထားခဲ့ပါတယ်။ပရိသတ်ကြီးရေ အက်စတာက ချင်းပြည်နယ်နေ့မှာ “ငါတို့ရဲ့General” သီချင်းလေးကို သီဆိုခွင့်ပေးတဲ့ အဆိုတော် ဖြိုးမြတ်အောင်နဲ့ တေးရေး ကိုယူဇော် တို့ကို ကျေးဇူးတင်ကြောင်းပြောထားပါသေးတယ်။

Leave a Reply

Your email address will not be published. Required fields are marked *