သင်္ကြန်မှာပျော်သလောက် ဘုန်းကြီးဝတ်မယ်ဆိုတဲ့ ရွှေထူး

Posted on

ရွှေမှုံကိုလည်း သီလရှင်ဝတ်စေချင်တဲ့အကြောင်းပြောလာပါတယ်။ရွှေထူးက သင်္ကြန်မှာ သီချင်းတွေ မဆိုဖြစ်ရင် ဘုန်းကြီးဝတ်ဖို့ စီစဉ်နေပြီလို့ သိရပါတယ်။ ရွှေထူးကတော့ သူ့ရဲ့ သင်္ကြန်အစီအစဉ်ကို ပြောပြလာပါတယ်။ လက်ရှိမှာတော့ သင်္ကြန်ကျင်းပခွင့်မပြု တော့ဘူးလို့ သိရတာကြောင့် သီချင်းတွေ ဆိုဖြစ်မှာ မဟုတ်ဘူးလို့ ဆိုပါတယ်။

သင်္ကြန်မှာ တကယ်လို့များ ကျွန်တော် အလုပ်မလုပ်ဖြစ်ခဲ့ရင် သီချင်းမဆိုဖြစ်ခဲ့ရင်ပေါ့ ဘုန်းကြီး ဝတ်ဖြစ်မယ်လို့ ထင်ပါတယ်။ မိန်းမကလည်း ဘုန်းကြီးဝတ်မှာကို ခွင့်ပြုတာပေါ့။ ရဟန်းအမ ဖြစ်ချင်တာပေါ့ သူလဲ။ ပျော်သလောက် ဝတ်မှာပါ။ ဘုန်းကြီးဝတ်မယ်လို့လည်း အစကတည်းက တွေးထားတာပါ။ ရွှေမှုံကိုလည်း သီလရှင် ဝတ်စေချင်တာပေါ့” ဆိုပြီးတော့ သဘောကျရင်း ပြောပြလာပါတယ်။

ရွှေထူးကတော့ အခုဆိုရင် Media 7 နဲ့ လက်တွဲပြီး အနုပညာအလုပ်တွေ ဆက်လက် လုပ်ကိုင်ဖို့ စာချုပ်ချုပ်ဆိုခဲ့တယ်လို့ သိရပါတယ်။ သူဟာ သရုပ်ဆောင်အလုပ်တွေ စလုပ်ကတည်းက Media 7 နဲ့ ဇာတ်ကားတွေ ရိုက်ကူးခဲ့တာဖြစ်ပါတယ်။ ၂၀၂၀ ခုနှစ်မှာတော့ ရွှေထူးဟာ Media 7 နဲ့ လက်တွဲပြီး ရုပ်ရှင်ကားကြီးတွေ၊ သီချင်းအသစ်တွေ ပုံဖော်သွားမယ်လို့ သိရပါတယ်။

ရွှေထူးကတော့ အခုဆိုရင် ဂီတအလုပ်တွေသာမက သရုပ်ဆောင်အလုပ်ကိုပါ တစိုက်မတ်မတ် ဆောင်ရွက်လာတာကို တွေ့ရပါတယ်။ သရုပ်ဆောင် အလုပ်နဲ့ ပတ်သက်လာရင် ဇနီးဖြစ်သူရဲ့ အကူအညီတွေ ရတယ်လို့ ဆိုပါတယ်။“ ဇာတ်ကားရိုက်တာတွေနဲ့ ပတ်သက်ပြီး ကျွန်တော့်ဘာသာ ကျွန်တော်ပဲ ဆုံးဖြတ်တာပါ။ ကျွန်တော်က သူ့ထက်တောင် ချေးများသေးတယ်။ ဒါကြောင့် ကျွန်တော့် စိတ်ကြိုက်လုပ်ခွင့်ပေးထားတယ်။ ကျွန်တော်နားမလည်တဲ့ တချို့အပိုင်းလေးတွေကို သူပြောပြတာဆိုတော့ သူ့ဆီက အကြံဉာဏ်အမြဲ တောင်းဖြစ်ပါတယ်” ဆိုပြီးတော့ မတ်လ ၁၅ ရက်နေ့က Media 7 နဲ့ အနုပညာရှင်တို့ရဲ့ စာချုပ်ချုပ်ဆိုပွဲကို တက်ရောက်ရင်း ဖြေဆိုခဲ့တာပါ။

ရွှေထူးကိုတော့ အချစ်သီချင်းတွေကနေတဆင့် ပရိသတ်တွေ စတင်သိရှိလာတာဖြစ်ပါတယ်။ အဲဒီနောက်မှာတော့ ဂီတနဲ့ပတ်သက်ပြီး ‘’စိတ်ကူးယဉ်စာအုပ်’’ ၊ ‘’I’’ ဆိုတဲ့ တစ်ကိုယ်တော်အခွေ ၂ ခွေထွက်ရှိခဲ့ပါတယ်။ သရုပ်ဆောင်အနေနဲ့ကတော့ ပထမဦးဆုံးဇာတ်ကားအဖြစ် ‘’ပက်ပက်စက်စက်ညှို့’’ ဆိုတဲ့ရုပ်ရှင်ကားကြီး၊ ‘’ဧည့်သည်’’ ရုပ်ရှင်ကားကြီး၊ ‘’ဒဏ္ဍာရီမိုး’’ ရုပ်ရှင်ကားကြီး တို့အပြင် လက်ရှိမှာ “ကမ်း” ဆိုတဲ့ ရုပ်ရှင်ဇာတ်ကားကိုလည်း မကြာသေးခင်က ဇနီးဖြစ်သူ ရွှေမှုံရတီနဲ့ ရိုက်ကူးခဲ့တာ တွေ့ရပါတယ်။

Leave a Reply

Your email address will not be published. Required fields are marked *