အိတုံကတော့ ဒုတိယမြောက် ရင်သွေးလေးကို ကိုယ်ဝန်လွယ်ထားရပြီဖြစ်လို့ အတိုင်းမသိဝမ်းသာလို့နေတယ်လို့ ဆိုပါတယ်။

Posted on

ဇာတ်ပို့သရုပ်ဆောင် အိတုံကတော့ သူမတို့ မိသားစုလေးအတွက် ဝမ်းသာစရာ သတင်းတစ်ခုအနေနဲ့ ဒုတိယမြောက် ရင်သွေးလေးကို ကိုယ်ဝန်လွယ်ထားရပြီလို့ ပြောလာပါတယ်။ ယောက်ျားကတော့ အတိုင်းမသိကို ပျော်နေတာပါ။ အစတုန်းကတော့ အစ်မတို့က ဘယ်သူ့ကိုမှ အသိမပေးခဲ့ဘူး။ အနုပညာရှင်တွေထဲကရော၊ ကိုယ်နဲ့ သိတဲ့ သူတွေ ထဲကရော တစ်ယောက်မှကို အသိမပေးဘူး။ ဒီမနက်ကျတော့ အစ်မကိုယ်တိုင်က အရမ်းပြောပြချင်စိတ်တွေ ဖြစ်နေတော့ အခုလို ပြောပြတာပါ။ တချို့တွေကလည်း ရိပ်မိနေကြပြီ။ ကိုယ်ကလည်း Live လွှင့်ရင်း ဈေးရောင်းတာဆိုတော့ ဈေးရောင်းရင်း ဘာတွေ ထူးခြားနေပြီလဲ ပြောပြောမိတော့ ရိပ်မိနေကြပြီ” လို့ သူကဆိုပါတယ်။

လက်ရှိမှာတော့ အိတုံဟာ သမီးလေး နှိုင်းတုနဒီ(ခ)ထက်ထက် ဆိုတဲ့ ချစ်စရာကောင်းတဲ့ သမီးလေး တစ်ဦးကို ပိုင်ဆိုင်ထားတာ ဖြစ်ပါတယ်။ ဒါကြောင့် ဒုတိယမြောက်ရင်သွေးလေးကိုတော့ သားလေး ဖြစ်စေချင်တယ်လို့ သူက ဆိုပါတယ်။ အစ်မက ဒုတိယမြောက်ရင်သွေးလေးကို သားလေး လိုချင်တာပေါ့နော်။ ရှေ့မှာလည်း သမီးလေး ရှိတော့ သားလေးနဲ့ သမီးလေးဆိုရင် တော်ပြီ (၂) ယောက်ပဲ။ ကလေးမွေးတယ်ဆိုတာကလည်း မွေးတာနဲ့ မပြီးဘူးပေါ့နော်။ ကလေးကို ကြီးပြင်းအောင်၊ သူများနဲ့ တန်းတူနေနိုင်အောင် ထားရမယ်။ ကလေးတစ်ယောက်ကို မွေးရတာက လွယ်တယ် ကြီးပြင်အောင် လုပ်ပေးရတာက မလွယ်ပါဘူး။ ဘာလေးပဲ ဖြစ်ဖြစ်ပါ မိန်းကလေးဆိုရင်လည်း ညီအစ်မ နှစ်ယောက် အဖော်ရတာပေါ့” လို့ သူက ပြောပါတယ်။

အိတုံဟာ ခင်ပွန်းဖြစ်သူ ကိုနေမျိုး နဲ့ အိမ်ထောင်ကျပြီးတဲ့နောက် ပျော်စရာကောင်းတဲ့ မိသားစု ဘဝလေးကို ပိုင်ဆိုင်ထားသူဖြစ်ပါတယ်။ သမီးလေးကို တစ်ယောက်တည်း အထီးမကျန်စေချင်တာကြောင့် ရင်သွေး(၂) ယောက်ယူဖို့ ဆုံးဖြတ်ထားခဲ့တာ ကြာပြီလို့လည်း သူက ဆိုပါတယ်။ အစ်မတို့ လင်မယားနှစ်ယောက်က သမီးလေး တစ်ယောက်တည်းဆိုရင် အထီးကျန်တယ်ဆိုပြီးတော့ နောက်ထပ် ရင်သွေးလေး ယူဖို့ အစီအစဉ်တော့ရှိတယ်။ သမီးလေးတုန်းကဆိုရင် ပျို့တာ အန်တာတောင် မရှိဘူး။ ကိုယ်ဝန် (၅) လဖြစ်မှ သိတာ။ အခုက အန်ချင်သလိုတွေဖြစ်တယ်။ ရင်သွေးဆိုတာကတော့ ရတနာပဲလေ ပျော်ရတယ်။ ကလေးဆိုတာ တစ်ယောက်တည်းဆိုရင် တစ်ကိုယ်ကောင်းစိတ်လေး ဖြစ်သွားမှာလည်းစိုးတယ်။ တိုင်ပင်ဖော်၊ တိုင်ပင်ဖက်လေးရသွားအောင် (၂) ယောက်ယူရင်တော့ ကောင်းမယ်။ ကိုယ်တွေလည်း စိတ်ချရအောင်ပေါ့။ အစ်မကိုယ်တိုင်ကလည်း ကလေးကို အရမ်းချစ်တတ်တယ်လေ” လို့ ဆက်လက် ပြောပြလာပါတယ်။

ဇာတ်ပို့ဇာတ်ရံသရုပ်ဆောင် အိတုံတော့ ဗီဒီယိုဇာတ်ကား၊ ရုပ်ရှင်ဇာတ်ကားတွေကနေတဆင့် ပရိသတ်တွေ စတင်သိရှိခဲ့ကြတာပါ။ သူမရဲ့ခင်ပွန်းဖြစ်သူ ကို နေမျိုးကလည်း တစ်ချိန်က ဇာတ်ပို့သရုပ်ဆောင် တစ်ယောက်ဖြစ်ပါတယ်။ အခုလက်ရှိမှာတော့ ကိုနေမျိုးဟာ အနုပညာအလုပ်တွေ လုပ်ကိုင်တာ မတွေ့ရတော့ပါဘူး။ အိတုံကတော့ လက်ရှိမှာ ဇာတ်ကားရိုက်ကူးမှု နည်းနေတာကြောင့် online shopping လုပ်နေတာလည်း တွေ့ရပါတယ်။

Leave a Reply

Your email address will not be published. Required fields are marked *