အမေရိကန်နိုင်ငံ ဖလော်ရီဒါပြည်နယ်ကို အပူပိုင်းမုန်တိုင်း ဦးတည်နေ

Posted on

ဖလော်ရီဒါကို ဩဂုတ် ၂ ရက် နှောင်းပိုင်းမှာ ဝင်ရောက်တိုက်ခတ်မယ်လို့ ခန့်မှန်းထားပါတယ်။အမေရိကန်နိုင်ငံ ဖလော်ရီဒါပြည်နယ်ကို ဒေသစံတော်ချိန် ဩဂုတ် ၂ ရက် နှောင်းပိုင်းမှာ အပူပိုင်းမုန်တိုင်းတစ်ခု ဝင်ရောက်တိုက်ခတ်မယ်လို့ ခန့်မှန်းထားပြီး ကြိုတင်ပြင်ဆင်မှုတွေ လုပ်ဆောင်နေပါတယ်။မုန်တိုင်း Isaias ဟာ ၂၀၂၀ ခုနှစ်ရဲ့ နဝမမြောက် မုန်တိုင်းဖြစ်ပြီး Turks & Caicos ကျွန်းစုနဲ့ ဘဟားမားစ်မှာ ဖြတ်သန်းတိုက်ခတ်ပြီးနောက် ဟာရီကိန်းအဆင့်ကနေ အပူပိုင်းမုန်တိုင်းအဖြစ် အားလျော့သွားခဲ့ပါတယ်။ မုန်တိုင်းဟာ ဟာရီကိန်းအဆင့်မှ အားလျော့သွားခဲ့ပေမဲ့ သတိထားကြရန် ဖလော်ရီဒါပြည်နယ်အုပ်ချုပ်ရေးမှူး Ron DeSantis က ဒေသခံတွေကို သတိပေးခဲ့ပါတယ်။

ပြည်နယ်အာဏာပိုင်တွေက မုန်တိုင်းအန္တရာယ်ရှိတာကြောင့် ကမ်းခြေနဲ့ ပန်းခြံများကိုပိတ်ထားပြီး ယာယီခိုလှုံရေးစခန်းများ စီစဉ်ဖွင့်လှစ်ထားကြောင်း သိရပါတယ်။ ယခု မုန်တိုင်းဝင်မယ့် ဖလော်ရီဒါပြည်နယ်ဟာ အမေရိကန်မှာ COVID-19 ကူးစက်မှုတွေ အဆိုးဆုံးဖြစ်ပွားတဲ့ ပြည်နယ်များအနက် ပါဝင်နေပါတယ်။

ဖလော်ရီဒါမှာ လက်ရှိအချိန်အထိ ကူးစက်ခံရသူ ၄၈၀,၀၀၀ ကျော် စစ်ဆေးတွေ့ရှိထားပြီး ကယ်လီဖိုးနီးယားပြည်နယ်ပြီးလျှင် ဒုတိယ ကူးစက်မှုအများဆုံး ပြည်နယ်ဖြစ်ပါတယ်။ မုန်တိုင်းအန္တရာယ်ကြောင့် ဖလော်ရီဒါရှိ COVID-19 စစ်ဆေးရေးနေရာများကို ယာယီပိတ်ထားပြီး မုန်တိုင်းကြောင့် ယခင်ကတည်းက COVID-19 ကူးစက်မှုတွေ မြင့်တက်ဖြစ်ပွားနေတဲ့ သက်ကြီးရွယ်အို ပြုစုစောင့်ရှောက်ရေးဂေဟာများ ထိခိုက်ပျက်စီးနိုင်ကြောင်း စိုးရိမ်ပူပန်နေကြပါတယ်။

မုန်တိုင်း Isaias အရှိန်ကြောင်း ဖလော်ရီဒါရဲ့ အတ္တလန်တိတ်ကမ်းရိုးတန်းမှာ ဒေသစံတော်ချိန် ဩဂုတ် ၂ ရက် မနက်အစောပိုင်းမှစပြီး မိုးသည်းထန်စွာ ရွာသွန်းနေခဲ့ကြောင်းလည်း သိရပါတယ်။ မုန်တိုင်းဟာ ကမ်းရိုးတန်းတစ်လျှောက် ဖြတ်သန်းနေပြီး လေတိုက်နှုန်း တစ်နာရီလျှင် ၆၈ မိုင်အထိ ရှိနိုင်ပါတယ်။မုန်တိုင်း Isaias ဟာ ဖလော်ရီဒါကို မဝင်ရောက်မီ ဒိုမီနီကန်ရီပတ်ဘလစ်နဲ့ ပွာတိုရီကိုတို့မှာ ဖြတ်သန်းတိုက်ခတ်ခဲ့ရာ သစ်ပင်များ အမြစ်မှကျွတ်ထွက်လဲပြိုခြင်း၊ ကောက်ပဲသီးနှံနဲ့ နေအိမ်များ ပျက်စီးခြင်းနဲ့ ရေကြီးမြေပြိုမှုတွေ ဖြစ်ပေါ်ခဲ့ပြီး လူနှစ်ဦးထက်မနည်း သေဆုံးခဲ့ပါတယ်။

Leave a Reply

Your email address will not be published. Required fields are marked *