အလောင်းတွေနဲ့ပြည့်နေတဲ့ ထရပ်ကားများကို နယူးယောက်တွင် တွေ့ရှိ

Posted on

အမေရိကန်ပြည်ထောင်စု၊ နယူးယောက်မြို့မှာ ဧပြီ ၂၉ ရက်က အအေးခန်းလွှတ်မထားတဲ့ ထရပ်ကားတွေထဲက ဒါဇင်ချီတဲ့ ရုပ်အလောင်းတွေကို တွေ့ရှိခဲ့ပါတယ်။အနီးဝန်းကျင် အိမ်နီးချင်းတွေက ကားထဲက ပုပ်နံ့ထွက်တယ်ဆိုပြီး တိုင်ကြားရာကနေ အလောင်းတွေကို တွေ့ရှိတာဖြစ်တယ်လို့ နယူးယောက်မီဒီယာက ဖော်ပြပါတယ်။

မျက်မြင်တွေက U-Haul ဗင်ကားထဲမှာ ရုပ်အလောင်းတွေကိုတွေ့ခဲ့ပြီး ဈာပနဝန်ဆောင်မှု ရုံး အပြင်ဘက်မှာ ဗင်ကားနှစ်စီးနဲ့ ထရပ်ကားတစ်စီးကို ရပ်ထားတယ်လို့ ပြောပါတယ်။ထရပ်ကားတွေက အအေးပေးစနစ် အလုပ်မလုပ်တော့ဘူးလို့ အန်ဒရူးတီကလပ်လေ ဈာပနလုပ်ငန်းပိုင်ရှင် ပြောဆိုပြီးနောက် အေဘီစီသတင်းက ကားတွေထဲမှာ အလောင်း ၁၀၀ လောက်ထားရှိတယ်လို့လည်း ဆိုပါတယ်။

ဒီအလောင်းတွေ ဗင်ကားတွေထဲမှာရှိနေတာ ဘယ်လောက်ကြာနေပြီလဲဆိုတာ မသိရတဲ့အပြင် COVID-19 ကြောင့် သေဆုံးသူတွေ ပါသလားဆိုတာ သဲသဲကွဲကွဲ မသိရသေးပါဘူး။ဒီကိစ္စနဲ့ပတ်သက်လို့ နယူးယောက် ရဲတပ်ဖွဲ့က ပြောကြားဖို့ ငြင်းဆန်သလို ကျန်းမာရေး ဌာနကိုလည်း ဆက်သွယ်လို့ မရသေးပါဘူး။နယူးယောက်မြို့ဟာ COVID-19 ဗဟိုချက်မ ဖြစ်နေတာကြောင့် ဈာပန ဝန်ဆောင်မှု လုပ်ငန်းတွေဟာ မနိုင်မနင်း ဖြစ်နေပါတယ်။သေဆုံးသွားတဲ့ အလောင်းတွေ မြှုပ်နှံဖို့ ဒါမှမဟုတ် မီးသင်္ဂြိုဟ်ဖို့ ဈာပနလုပ်ငန်းတွေဟာ အလုပ်ကြွေးတွေ ပိနေတယ်လို့လည်း ရိုက်တာသတင်းက ဖော်ပြပါတယ်။

Leave a Reply

Your email address will not be published. Required fields are marked *