ကြံ့ခိုင်ရေးပါတီဥက္ကဋ္ဌ ဦးသန်းဌေးက နေပြည်တော်၊ ဇေယျာသီရိမြို့နယ် ပြည်သူ့လွှတ်တော်ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်မှာဖြစ်ပါတယ်။ ဇေယျာသီရိမြို့နယ်ဟာ တပ်မတော်ကာကွယ်ရေးဦးစီးချုပ်ရုံးစိုက်ရာ မြို့နယ်ဖြစ်သလို တပ်မိသားစုတွေနေထိုင်တဲ့ မြို့နယ်လည်း ဖြစ်ပါတယ်။
ဘဏ္ဍာရေးဝန်ကြီးဟောင်း ဦးဝင်းရှိန်ကတော့ ဥတ္တရသီရိ မြို့နယ်ကနေ ဝင်ပြိုင်မှာဖြစ်ပြီး ကာကွယ်ရေးဝန်ကြီးဟောင်းဖြစ်တဲ့ ဦးဝေလွင်ကတော့ ပုဗ္ဗသီရိ မြို့နယ်ကနေ ဝင်ပြိုင်မှာဖြစ်ပါတယ်။ နိုင်ငံခြားရေးဝန်ကြီးဟောင်း ဦးဝဏ္ဍမောင်လွင်ကတော့ ဇဗ္ဗူသီရိမြို့နယ်ကနေ ဝင်ရောက်ယှဉ်ပြိုင်ဖို့ရှိပါတယ်။ထပ်မံရရှိတဲ့ ကိုယ်စားလှယ်လောင်းစာရင်းနဲ့ အသေးစိတ်အခြေအနေတွေကို ဆက်လက်တင်ဆက်ပေးပါမယ်။
