ပြည်သူများ သိသင့်သော Covid (၅)ကျနော်တို့ ဘယ်လိုကုနေသလဲ(၁) ပိုးတွေ့လူနာ ဘယ်ကလာFever Corner သို့ လာပြသော သံသယလူနာကို စစ်ရာမှ ထွက်ပေါ်ပါသည်။ ၄င်း၏ ထိတွေ့သူ Contact များကို စစ်ရာမှ ထပ်မံထွက်ပေါ်ပါသည်။(၂) ပိုးတွေ့လူနာ ဘယ်လိုကုနေအုပ်စု ၅စု ခွဲခြားကုသပါသည်။
အုပ်စု (က) ရောဂါလက္ခဏာမပြသူ No symptoms နှင့် အုပ်စု (ခ) ရောဂါလက္ခဏာမပြင်းထန်သူ Mild symtoms တို့ကို နေ့စဉ်ရောဂါ လက္ခဏာမေးခြင်း သွေးပေါင်ချိန်တိုင်းခြင်း အဖျားတိုင်းခြင်း သွေးတွင်းအောက်ဆီဂျင် SPO2 တိုင်းခြင်း အဓိက လုပ်ဆောင်ပါသည်။
အုပ်စု (ဂ) ရောဂါပြင်းထန်နိုင်ခြေများသူ High Risk groupဂရုစိုက်စောင့်ကြည့်ရမည့် အုပ်စုဖြစ်ပါသည်။ အသက် ၅ နှစ်အောက်ကလေး၊ အသက် ၆၅ အထက်လူကြီးနှင့် နဂိုရောဂါအခံ Comorbidity ရှိသူများဖြစ်ပါသည်။အုပ်စု (ဃ) ရောဂါပြင်းထန်သူသွေးတွင်းအောက်ဆီဂျင် SpO2 သည် ၉၃ အောက်ကျလာခြင်းဖြင့် သတ်မှတ်ပါသည်။
ယခင်နေ့များက မရှိသော်လည်း မနေ့ကစ၍ ထွက်ပေါ်လာပါပြီ။ လက်ရှိ စစ်တွေလူနာ ၁၈၀ တွင် ၃ ယောက်ရှိပါသည်။ အသက် ၆၀ မှ ၇၀ ကြားဖြစ်ကြပြီး ဆီးချိုရောဂါ အဆုပ်ပွရောဂါ နဂိုရှိသူများဖြစ်ပါသည်။အထူးဂရုစိုက်ကုသနေပါသည်။ သမားတော်ကြီးမှ နေ့စဉ်အခြေအနေကို ဝေဘာဂီနှင့် တောင်ဥက္ကလာမှ ပါမောက္ခကြီးများနင့် ဆက်သွယ်တိုင်ပင်ပြီး နေ့စဉ်ကုသမှုများ မလစ်ဟင်းရအောင် ကြပ်မတ်ပါသည်။ အောက်ဆီဂျင် ပေးထားရပါပြီ။ မေ့ဆေးအထူးကုအဖွဲ့နှင့်လဲ နေ့စဉ်တိုင်ပင်ပါသည်။
အုပ်စု (င) အသည်းအသန်လူနာ Critically Illမေ့ဆေးအထူးကုများမှ အသက်ရှူစက်တပ်ဆင်ပြီး ICU တွင်ထားရန်ဆုံးဖြတ်ပါက အသည်းအသန်လူနာ အဖြစ်သတ်မှတ်ပါမည်။ လက်တလော မရှိပါ။အသက် ၈၄ နှင့် အသက် ၉၂ လူနာများ အခြေအနေကောင်းမွန်နေပါသည်။ အသက်ကြီးသော်လည်း ရောဂါအခံမရှိကြပါ။
(၃) ပိုးတွေ့လူနာ ဘယ်တော့လျော့သက်သာပျောက်ကင်းသူ Recoveredကျနော် အဖြစ်စေချင်ဆုံးဖြစ်ပါသည်။ ပြန်စစ်ပိုးမတွေ့လူနာများ ပေါ်ထွက်လာစေရန် အားတင်းထားပါသည်။ ယခုထိ ဒုတိယအကြိမ် ၁၁ ရက်တွင် ပြန်စစ်သူ ၇ ဦးရှိရာ ပိုးတွေ့ဆဲဖြစ်နေပါသည်။ တတိယအကြိမ်ကို နောက်ထပ် ၆ ရက်မြောက်တွင် ပြန်စစ်ရပါမည်။
ကွယ်လွန်သူ Death
ကျွန်တော်တို့ မဖြစ်စေချင်ဆုံးဖြစ်ပါသည်။ မဖြစ်ရအောင် အထူးကြိုးစားနေပါသည်။ဆေးကုသသူသမားတော်သည် လူနာကို သူ၏ကုသမှုကို သဘောပေါက်နားလည်စေရန် ရှင်းပြရမည့် ၀တ္တရားရှိပါသည်။ ကျွန်တော်သည် ထိုဝတ္တရားကို တတ်နိုင်သမျ အစဉ်လေးစားလိုက်နာခဲ့သည့်အတိုင်းပြည်သူများ အစိုးရိမ်လွန် အကြောက်လွန်ပြီး ကျွန်တော်တို့ဘာလုပ်နေသည်ကို မသိမည်စိုးသောကြောင့်လေးစားစွာ ရှင်းလင်းတင်ပြပါသည်။ကျွန်တော်တို့ ကြိုးစားနေပါသည်။ပြည်သူများ အကြောက်မလွန်ဘဲ နားလည် ပူးပေါင်းပါဝင်ခြင်းဖြင့် ကျွန်တော်တို့ ကျော်ဖြတ်နိုင်ကြပါလိမ့်မည်။
Dr.Zaw Wint Naing
