“ဝေဘာဂီအထူးကု ဆေးရုံကြီးရှိ ကျန်းမာရေးဝန်ထမ်းများကို ဂုဏ်ပြုသောအားဖြင့် လစာ (၁)လစာ ချီးမြှင့်လှူဒါန်းလိုက်တဲ့ ဧရာဝတီ ဖောင်ဒေးရှင်း”

Posted on

ဝေဘာဂီအထူးကု ဆေးရုံကြီးရှိ ဆရာဝန်၊ သူနာပြု၊ ကျန်းမာရေးဝန်ထမ်းများကို ဂုဏ်ပြုသောအားဖြင့် ဧရာဝတီ ဖောင်ဒေးရှင်းက လစာ တစ်လစာ ချီးမြှင့်လှူဒါန်း

COVID-19 ကာကွယ်၊ ကုသ၊ ထိန်းချုပ်နိုင်ရေး ရှေ့တန်းမှ ရွပ်ရွပ်ချွံချွံ တာဝန်ထမ်းဆောင်လျက်ရှိသော ဝေဘာဂီ အထူးကု ဆေးရုံကြီးမှ ဆရာဝန်များ၊ သူနာပြုများ၊ ကျန်းမာရေး ဝန်ထမ်းများကို ဂုဏ်ယူလေးစား ကျေးဇူးတင်စွာဖြင့် ဧရာဝတီ ဖောင်ဒေးရှင်းမှ ဧပြီလအတွက် လုပ်ခလစာ တစ်လစာအဖြစ် ငွေကျပ် (၃၇၅)သိန်းကို ချီးမြှင့်လှူဒါန်းခဲ့သည်။

အဆိုပါ ကျန်းမာရေး ဝန်ထမ်းများသည် အနီးကပ် ကြပ်မတ်ကုသ ခံနေရသူ (၂)ဦး အပါအဝင် COVID-19 လူနာ စုစုပေါင်း (၇၅)ဦးကို ရောဂါ သက်သာ ပျောက်ကင်းစေရန်နှင့် ထပ်မံကူးစက် ပြန့်ပွားခြင်း မရှိစေရန် ကိုယ်ကျိုးမငဲ့ဘဲ မရပ်မနား ကြိုးပမ်း ဆောင်ရွက် နေကြသူများ ဖြစ်ပါသည်။

ဧရာဝတီ ဖောင်‌ဒေးရှင်းမှာ ဝေဘာဂီ အထူးကု ဆေးရုံကြီး၏ ကာကွယ်၊ ကုသရေးဆိုင်ရာ အထောက်အကူပြု ပစ္စည်းများ ဝယ်ယူနိုင်ရန် မတ်လ (၁၈)ရက်နေ့က ငွေကျပ် သိန်း(၅၀၀)၊ ဧပြီလ (၁၈)ရက်နေ့က ငွေကျပ် သိန်း(၂၀၀) အပါအဝင် စုစုပေါင်း ငွေကျပ် (၁၀၇၅)သိန်း ပံ့ပိုးလှူဒါန်းခဲ့ပြီး ဖြစ်သည်။

ထို့အတူ COVID-19 အရေး ဆောင်ရွက်နေကြသော တစ်နိုင်ငံလုံးမှ ဆရာဝန်၊ သူနာပြုများ၊ ကျန်းမာရေးဝန်ထမ်းများ အားလုံးအတွက် COVID-19 အထူး ကျန်းမာရေး အာမခံရန်ပုံငွေအဖြစ် ငွေကျပ် သိန်း(၅၀၀၀)တိတိကို ဗဟိုကျန်းမာရေး ကော်မတီသို့ လှူဒါန်းထားရှိသည်။

Leave a Reply

Your email address will not be published. Required fields are marked *