ပြုခဲ့သမျှကုသိုလ်တိုင်းကို ဖခင်အတွက်အမျှဝေလိုက်တဲ့ ထက်ထက်မိုးဦး

Posted on

သူ့ရင်ထဲက ခံစားချက်တွေကို ပြောပြလာပါတယ်။ထက်ထက်မိုးဦးကတော့ ကွယ်လွန်သွားပြီဖြစ်တဲ့ ဖခင်အတွက် သူမရင်ထဲက ခံစားချက်တွေ ပြောပြခဲ့ပါတယ်။ သရုပ်ဆောင် ထက်ထက်မိုးဦးရဲ့ ဖခင်ကတော့ ၂၀၂၀ ခုနှစ် သြဂုတ်လ(၁၈) ရက်နေ့က ကွယ်လွန်သွားခဲ့တာဖြစ်ပါတယ်။ ဖခင်ဖြစ်သူအတွက် ဝမ်းနည်းပူဆွေးနေရတဲ့ ခံစားချက်တွေကို ထက်ထက်မိုးဦးက ပရိသတ်တွေဆီကို ရင်ဖွင့်စကားဆိုထားပါတယ်။

” အငိုမတိတ်ရတဲ့ သံသရာမှာ အဓိပ္ပါယ်ရှိအောင် နေဖို့၊ ဖခင်ကြီးအတွက် ပိုပြီးအဓိပ္ပါယ်ရှိစေဖို့ န ဟိ ရုဏ္ဏံ ဝါ သောကော ဝါ, ယာ စညာ ပရိဒေဝနာ၊ န တံ ပေတာနမတ္ထာယ, ဧဝံ တိဋ္ဌန္တိ ဉာတယော။ အယဉ္စ ခေါ ဒက္ခိဏာ ဒိန္နာ, သံဃမှိ သုပ္ပတိဋ္ဌိတာ၊ ဒီဃရတ္တံ ဟိတာယဿ, ဌာနသော ဥပကပ္ပတိ။ လို့ဟောတဲ့မူတဲ့အတိုင်း ငိုနေလို့ အကျိုးမရှိတဲ့ ဒီလောကဓံမှာ အကျိုးရှိစေဖို့အတွက် အဖေကို ရည်စူးပြီး သံဃာတော်တွေကိုလည်းလှူပါ့မယ်။ အဖေကိုလည်း အမျှပေးဝေပါမယ်ရှင့်” ဆိုပြီးတော့ သြဂုတ်လ ၂၁ ရက်နေ့ နေ့လယ် ၁ နာရီကျော်က သူ့ရဲ့ ဖေ့စ်ဘွတ်ပေ့ခ်ျမှာ ရေးသားခဲ့တာပါ။

ထက်ထက်မိုးဦးဟာ အလှူအတန်းနဲ့ပတ်သက်လာရင် လက်မနှေးသူတစ်ယောက်ပါ။ သူမ အရမ်းအောင်မြင်ခဲ့ချိန်တုန်းက လှူဒါန်းခဲ့သမျှ အရာတွေကို သူမရဲ့ ဖခင်အတွက် အမျှဝေခဲ့ပါသေးတယ်။ ” အထူးအားဖြင့် ထက်ထက် ပြုလုပ်ခဲ့တဲ့ ကုသိုလ်မှန်သမျှ နှင့် ကျောင်းဆောက်လှူဒါန်းခဲ့တဲ့ကုသိုလ်ကြီးကို အဖေ အတွက်ကုသိုလ်မျှဝေပါတယ်ရှင့်။ အဖေ လည်း ထက် နဲ့ အတူ ရောက်ရာ ဘဝကနေ သာဓုခေါ်ပေးပါနော်။ ဖေဖေရဲ့ နာရေးမှာ ကူညီပေးခဲ့ကြသူအားလုံးကိုလည်း ကျေးဇူးတင်ပါတယ်ရှင့်။ စာအသုံးပြုခွင့်ပေးတဲ့ ဘုန်းဘုန်းကိုလည်း ကန်တော့ပါတယ်ရှင့်” ဆိုပြီးတော့လည်း ဆက်လက် ရေးသားခဲ့ပါတယ်။

ထက်ထက်မိုးဦးကတော့ ဖခင်ဖြစ်သူ ကျန်းမာရေးမကောင်းတဲ့အချိန်မှာ ဆေးရုံမှာပဲနေပြီး အနီးကပ်ပြုစုခဲ့တာကို တွေ့ရပါတယ်။ ထက်ထက်မိုးဦးရဲ့ ဖခင် ကွယ်လွန်သွားတဲ့အချိန်မှာတော့ သူမနဲ့ ထပ်တူ စိတ်မကောင်းဖြစ်ခဲ့ကြတဲ့ အနုပညာမောင်နှမတွေ၊ ပရိသတ်တွေကလည်း အများကြီးပါပဲ။ ထက်ထက်မိုးဦးရဲ့ အဖေ ဈာပနကိစ္စတွေကို သရုပ်ဆောင် ဝေဠုကျော်ရဲ့ ပရဟိတအသင်းက ဆောင်ရွက်ပေးခဲ့တယ်လို့ သိရပါတယ်။

Leave a Reply

Your email address will not be published. Required fields are marked *