မြန်မာ့ ရုပ်ရှင်လောကအတွက်တော့ ရှက်ဖွယ် လိလိ ဖြစ်ဦးတော့မယ်

ထိုင်းက ပထမဦးဆုံး ဆူရီယိုထိုင်း ရိုက်တယ် အဲဒီကားမှာ တပင်ရွှေထီးနဲ့ ဘုရင့်နောင် တို့ ပထမဦးဆုံးအကြိမ် ထိုင်းကို ဝင်ရောက်တိုက်ခိုက်တဲ့ အကြောင်း ရိုက်ပြထားတယ်…

(အဖြစ် ရိုက်တဲ့ ဘန်ရဂျန်းလို ပေစုတ်စုတ်ကားကို ထည့်မတွက်ပါ)

ဒုတိယကားအနေနဲ့ နရဲစွမ်း ထွက်တယ်… ဒေါ်လာသန်းချီ အကုန်ခံရိုက်တယ်… မြန်မာနိုင်ငံကိုလာပြီး ကမ္ဘောဇသာဒီနန်းတော် ပုဂံနန်းတော်နဲ့ မန္တလေးနန်းတော်တို့ အမျိုးသားပြတိုက်တို့ကိုလာပြီး ဓါတ်ပုံရိုက် ထိုင်းမှာ မြန်မာနန်းတော် အတုတစ်ခု ကြီးကျယ်ခန်းနားစွာ ပြန်ဆောက်ပြီး ရိုက်တယ်။ ရိုက်တဲ့နေရာမှာ အဝတ်အစား costume တွေကို တခန်းတနားနဲ့ ပြင်ဆင်တယ်… အသုံးပြုတဲ့ စစ်မြင်းတွေကို သြစတေးလျကနေ မှာတယ်… the lord of the ring ရိုက်တဲ့အဖွဲ့ကို ခေါ်ပြီး စက်တင် ဆင်ရိုက်တယ်… အလွန်ခန်းနားလွန်းတယ်…

Image may contain: 1 person

အဲဒီကားတွေမှာ မြန်မာ့သမိုင်းမှာ မှန်တာပါသလို လုပ်ဇတ်လုပ်ပြီး ရိုက်ထားတဲ့ သမိုင်းလိမ်လည်း ပါမှာပဲ… ဒါပေမယ့် ဘာဖြစ်လဲ… တသက်လုံး ပြိုင်ဖက်ဖြစ်လာတဲ့ မြန်မာကို ပေစုတ်စုတ် မရိုက်ဘူး.. အလွန်ခန်းနားကြီးကျယ်တဲ့ ဟံသာဝတီ နန်းတော် နိုင်ငံတော်အနေနဲ့ ရိုက်တယ်… ဒါမှ ကိုယ့်ထက်ကြီးကျယ်တဲ့ ခန်းနားတဲ့ ပြိုင်ဖက်နိုင်ငံရဲ့ ကျူးကျော်မှုကို ယိုးဒယားတွေက တွန်းလှန်နိုင်တယ်ဆိုမှ သူတို့ ဂုဏ်ရှိမှာလေ… တကယ်လည်း မြန်မာ့သမိုင်းမှာ ဘုရင့်နောင်ရဲ့ နိုင်ငံတော်ဟာ ကြီးကျယ် ခန်းနားခဲ့ပါတယ်။

အခုနောက်ဆုံး တတိယကားအနေနဲ့ အလောင်းမင်းတရား ရုပ်ရှင် စရိုက်နေပြီ။ ဒီpost မှာ ဇာတ်ဝင်ခန်းအချို့ရဲ့ ဓါတ်ပုံတွေ တင်ပေးထားပါတယ် ကြည့်ကြည့်ပါ။ ထိုင်းတွေက မြန်မာနန်းတော် အတု တစ်ခါပဲ ဆောက်တယ် costume တွေကို တစ်ခါပဲ အကုန်ခံလုပ်တယ်။ ကြီးကျယ်ခန်းနားသော စက်တင်တွေကို တစ်ခါပဲဆောက်တယ်။ ပြီးတော့ လူတွေ စိတ်ဝင်စားစေမယ့် ရုပ်ရှင် ၉ ကားလောက် ရိုက်လိုက်တယ် (ဆူရီယိုထိုင်းက ၁ ကား၊ နရဲစွမ်းက ၆ ကား၊ ကြားထဲမှာ နိုင်ငံခြားရုပ်ရှင်း the prince and me ဆိုလား စိတ်ကူးယဉ်နိုင်ငံလုပ်ရိုက်တဲ့ တကား၊ အခုနောက်ဆုံး အလောင်းဘုရားကား) ပြီးတော့ နရဲစွမ်းကို tv series လုပ် ရိုက်လိုက်သေးတယ်။ ပြီးတော့ အဲဒီ နန်းတော်တွေ costume တွေကို ပြစားတယ်။ အဲဒီတော့ သူတို့ အရင်းက ကျေသထက်အပြင် အမြတ်တောင် အများကြီး ပေါ်နေပြီ။

 

ကျွန်တော်တို့ မြန်မာ ရုပ်ရှင်တွေက ရှေးခေတ် မြန်မာ့ စစ်ကားရိုက်တယ်။ ကျန်စစ်မင်းဆို နှာဘူးကားဖြစ်လို့… ဘာကြီးကျယ်ခန်းနားမှုမှလည်း မရှိ၊ ဘုရင်အခန်းတွေ ရိုက်တဲ့ကားတွေဆိုလည်း စုတ်တီးစုတ်ပြတ်နဲ့။ ထိုင်းလို ငွေမရှိလို့ မရိုက်နိုင်ဘူး ဆင်ခြေမပေးနဲ့။ တကယ်လုပ်တတ်ရင် တကယ် မခိုမကပ်ပဲ နိုင်ငံချစ်စိတ် ပြည်သူတွေကို တန်ဖိုးထားပြီး ဇာတ်ကားကောင်း ဖန်တီးချင်စိတ် စေတနာစိတ်ထားပြီး ရိုက်ရင်ရတယ်။ မြန်မာပြည်မှာလည်း နန်းတော် အတုဆောက်လို့ရတယ် ပြီးတော့ ဇာတ်လမ်းတွဲပေါင်းများစွာ မကုန်နိုင်မခန်းနိုင် (မွန်မြန်မာ နှစ် ၄၀ စစ်အကြောင်း၊ အင်းဝ၊ အမရပူရ ဟံသာဝတီ တောင်ငူ ခေတ်အဆက်ဆက်က သူရဲကောင်းတွေအကြောင်း မင်းတွေအကြောင်း ဇတ်ကားဖြစ်ဖြစ် ရိုက်လို့ရတယ်။

ဒါပေမယ့် မရိုက်ခဲ့ဘူး။ မရိုက်တဲ့အပြင် ဒီဖက်ခေတ် ကိုယ့်မြန်မာပြည်ရဲ့ လွတ်လပ်ရေးဗိသုကာ ဗိုလ်ချုပ်အောင်ဆန်း ရုပ်ရှင်တောင် လေနဲ့ ရိုက်နေတာ ၅ နှစ် မကတော့ဘူး။ ဘာမှ အကောင်အထည် မပေါ်တဲ့အပြင် ပြတဲ့ ဇာတ်ဝင်ခန်းကလည်း ပေစုတ်စုတ်နဲ့။

Image may contain: 1 person

အခု ထိုင်းက ရိုက်မယ့် အလောင်းမင်းတရား ရုပ်ရှင်ကလည်း အလွန်ခန်းနားစွာ လာပါဦးမယ်။ အဲဒီ ရုပ်ရှင် ထွက်လာရင်လည်း သမိုင်းလိမ်တယ် ဘာညာနဲ့ အော်ဦးမယ်။ ကိုယ့်နိုင်ငံသမိုင်းကို ကိုယ်က ကြီးကျယ်ခန်းနားစွာ လက်ဦးအောင် မရိုက်ပြပဲနဲ့ သူများတိုင်းပြည်က ကြီးကျယ်ခန်းနားမှုကို ရှေ့တန်းတင်ပြီး သူတို့လိုသလို မြန်မာ့သမိုင်းကို လိမ်ရိုက်တာလည်း ခံရဦးမယ်။ ဘယ်လောက်တောင် ရှက်ဖို့ ကောင်းပါသလဲ။

အခု မြန်မာ့ ရုပ်ရှင်ကို ကြည့်တယ်။ သရဲကားခေတ်ကောင်းရင် သရဲကားလိုက်ရိုက်တယ် ဟာသကား ခေတ်ကောင်းရင် ဟာသကား လိုက်ရိုက်တယ် မင်းသားတွေ မိန်းမလိုဝတ် အခြောက်ပုံလုပ်တာ လူတွေ သဘောကျရင် ရှိသမျှ မင်းသားအကုန် အခြောက်လိုဝတ် ရိုက်ရတယ်။ ဘယ်မှာလဲ ဖန်တီးမှုတွေ၊ ဘယ်မှာလဲ ကြီးကျယ်ခန်းနားမှုတွေ။ ဒါကြောင့်လည်း မြန်မာ့ရုပ်ရှင်တွေကို ဘယ်လိုမှ ကြည့်မရတော့တာ။ acting တွေက over တွေ ဖြစ်လာ ပရိတ်သတ်ကို လည်း ခပ်ပေါပေါတွေ ချပြ မင်းသမီးတွေက လည်း တင်ပဲ ပြစားလိုက် ရင်သားပဲ ကြီးအောင်လုပ်လိုက် ကိုရီးယားသွား အလှပြင်လိုက်နဲ့ပဲ ပြီးတယ်။

Image may contain: 1 person, hat and closeup

ဖြစ်စေချင်တာက မြန်မာပြည်မှာ ရိုက်ပြနိုင်တဲ့ ရုပ်ရှင်တွေ သမိုင်းတွေ အများကြီးပါ။ tourist attraction ဖြစ်အောင် လုပ်လို့ရတာတွေ အများကြီးပါ။ ဘာလုပ် မလုပ်ကြတာလဲ။ မလုပ်နိုင်တာလား ရေသာခိုတာလား ဘာမှ ကြိုးစားမှု ပြင်းထန်အားထုတ်မှု မရှိပဲ အလွယ်တကူ ပိုက်ဆံလိုချင်နေတာလားဆိုတာတော့ လက်ရှိ ရုပ်ရှင်လောကက လူတွေသာ ကိုယ့်အကြောင်းကို အသိဆုံး ဖြစ်ပါလိမ့်မယ်။ ကျွန်တော်ကတော့ လက်ရှိအချိန်အထိ လေးစားရသော မြန်မာ့ သမိုင်းဝင် ရုပ်ရှင်ဇတ်ကား ထွက်တာ မတွေ့ရသေးပါ။

Image may contain: 1 person

အခု ထိုင်းကရိုက်တဲ့ အလောင်းမင်းတရား ရုပ်ရှင်ထွက်တာနဲ့ လက်ဝယ်ရဖို့ ကြိုးစားနေပါတယ်။ ပြီးရင် ထပ်ရေးပါဦးမယ်။ ထိုင်းက သမိုင်းလိမ်သည်ဖြစ်စေ လိုသလိုဆွဲသည်ဖြစ်စေ ကိုယ့်ဘုရင်အကြောင်း ခုလို တခမ်းတနားနဲ့ ရိုက်ပြတဲ့အတွက် ကျေးဇူးတင်တာတော့ ရှိပါတယ်။

Source – Thit Sar

Comments

comments

Leave a Reply

Your email address will not be published. Required fields are marked *