သြဂုတ်လ ၁၆ရက်ကစတင်ပြီး လူ၃၀အထိစုဝေးသွားလာခွင့်ရပြီ

Posted on

ကိုဗစ်နဲ့ပတ်သက်ပြီး ထုတ်ပြန်ထားတဲ့ စည်းကမ်းချက်တွေကို တဆင့်ချင်းဖြေလျှော့ပေးလာခဲ့တာပါ။ကျန်းမာရေးနှင့်အားကစားဝန်ကြီးဌာနရဲ့ ကူးစက်ရောဂါကာကွယ်နှိမ်နင်းရေး ဥပဒေနဲ့ ထုတ်ပြန်ကြေညာထားတဲ့ ကိုဗစ်ကြောင့် လူ (၁၅)ဦးထက်ပိုမစုရဆိုတဲ့ အမိန့်အစား (၃၀)ဦးထက်ပိုမစုရဟု ပြင်ဆင်ပြောင်းလဲသတ်မှတ်လိုက်ပါတယ်။

ကူးစက်ရောဂါကာကွယ်နှိမ်နင်းရေး ဥပဒေအရ လူ(၅)ဦးနှင့်အထက် မစုဝေးဖို့ ဧပြီလ ၁၆ ရက်နေ့က ထုတ်ပြန်ကြေညာခဲ့ပြီးနောက် သြဂုတ်လ ၁ ရက်နေ့ကစတင်ပြီး လူ (၅) ဦးနှင့်အထက်အစား (၁၅)ဦးနှင့်အထက် ပိုမစုရဆိုပြီး ပြင်ဆင်ပြောင်းလဲသတ်မှတ်ခဲ့ပါတယ်။ ယင်းကြေညာချက်ထုတ်ပြန်ပြီး နှစ်ပတ်အကြာ ယနေ့ သြဂုတ်လ (၁၃)ရက်နေ့မှာတော့ ဩဂုတ်လ (၁၆)ရက်နေ့ကစပြီး လူ(၁၅)ဦးအစား (၃၀)ဦးထက်ပိုမစုရလို့ ထပ်မံဖြေလျှော့ပေးလိုက်တာ ဖြစ်ပါတယ်။

မြန်မာနိုင်ငံမှာ ကိုဗစ်ရောဂါကူးစက်မှုကို အထိုက်အလျောက်ထိန်းချုပ်နိုင်ခဲ့ပြီးနောက် ကိုဗစ်နဲ့ပတ်သက်ပြီး ထုတ်ပြန်ထားတဲ့ စည်းကမ်းချက်တွေကို တဆင့်ချင်းဖြေလျှော့ပေးလာခဲ့တာပါ။လက်ရှိမှာ ပြည်တွင်းကူးစက်မှုလည်းမရှိတော့တဲ့အတွက် နိုင်ငံတွင်း ခရီးသွားကဏ္ဍတွေအပါအဝင်၊ စာသင်ကျောင်းတွေ၊ စားသောက်ဆိုင်တွေ ၊ ရုပ်ရှင်ရိုက်ကူးခွင့်တွေနဲ့ ဘုရားတွေကိုလည်း ကိုဗစ်စည်းမျဉ်းတွေနဲ့အညီပြန်လည်ဖွင့်လှစ်ခဲ့ပေးထားပါပြီ။ လက်ရှိမှာတော့ အလှူ ၊မင်္ဂလာဆောင်အခမ်းအနားတွေ၊ရုပ်ရှင်ရုံတွေနဲ့ ပြည်ပလေကြောင်းလိုင်းပြန်လည်ပြေးဆွဲခွင့်တွေသာ ဆက်လက်ကန့်သတ်ထားဆဲဖြစ်ပါတယ်။မြန်မာနိုင်ငံမှာ ကိုဗစ် ၁၉ ရောဂါကူးစက်ခံရမှုက နိုင်ငံတကာနဲ့ယှဉ်ရင် ကူးစက်မှုအနည်းဆုံး နိုင်ငံတစ်အခုအဖြစ် ပါဝင်ပြီး အချိန်ကာလတစ်ခုအတွင်းမှာ ရောဂါကူးစက်ပြန့်ပွါးမှုကို အထိုက်အလျောက်ထိန်းချုပ်နိုင်ခဲ့တယ်လို့လည်း ကျန်းမားရေးဝန်ကြီးဌာန တာဝန်ရှိသူတွေကပြောပါတယ်။ (၁)လကျော်ကြာ ပြည်တွင်းကူးစက်မှုမရှိတော့တဲ့ မြန်မာနိုင်ငံမှာ လက်ရှိ ရောဂါပိုးတွေ့ရှိသူက (၃၆၁)ဦးရှိပြီး သေဆုံးသူ (၆)ဦးရှိကာ ပြန်လည်ကောင်းမွန်လာသူ (၃၁၈)ဦးရှိပါတယ်။ ဆေးကုသမှုခံယူနေရတဲ့ လူနာက (၃၇)ဦးသာ ကျန်ရှိတော့ပြီး အားလုံးက ပြည်ပမှ ပြန်ရောက်လာသူများ ဖြစ်ပါတယ်။

Leave a Reply

Your email address will not be published. Required fields are marked *