400kg အလေးချိန်ရှိတဲ့ ဝိတ်တုံးကြီးကိုမရင်း ဒူးခေါင်းနှစ်ဖက်လုံး ကျိုးပဲ့သွားခဲ့တဲ့ အလေးမသမား (ရုပ်သံ)

Posted on

ရုရှားနိုင်ငံက အလေးမသမားဟာ 400kg အလေးချိန်ရှိတဲ့ ဝိတ်တုံးကြီးကိုမဖို့ကြိုးစားရင်း ဒူးခေါင်းနှစ်ဖက်လုံးကျိုးသွားခဲ့တဲ့အပြင် ကြွက်သားတွေပါ ပျက်စီးသွားခဲ့ပါတယ် ။ Alexander Sedykh အမည်ရှိတဲ့ အဆိုပါအလေးမသမားကြီးဟာ The World Raw Powerlifting Federation (WRPF) European Championships ပြိုင်ပွဲမှာ ချန်ပီယံဆုအတွက် ယှဉ်ပြိုင်ရင်း အဆိုပါအဖြစ်ဆိုးမျိုး ကြုံတွေ့ခဲ့ရတာပါ ။

Video ထဲမှာတော့ Sedykh ဟာ 400kg အလေးကြီးကို မနေရင်း သူ့ရဲ့ဒူးတွေဟာ အတော်လေးကိုယိမ်းယိုင်တုန်ခါနေခဲ့တာပါ ။ ဒူးခေါင်းကျိုးသွားခဲ့ပြီး ကြမ်းပြင်ပေါ်လဲကျသွားချိန်မှာ ပြင်းထန်လွန်းတဲ့ဝေဒနာဒဏ်ကြောင့် Sedykh ဟာ အော်ဟစ်ငိုကြွေးသွားခဲ့ပါတယ် ။

တာဝန်ရှိသူတွေ နဲ့ ဆေးအကူအသင်းများက Sedykh ကိုဆေးရုံသို့ အလျင်အမြန်ခေါ်ဆောင်သွားခဲ့ကြပြီးနောက် ၊ 6နာရီခန့် ဒူးခေါင်းခွဲစိတ်ကုသမှု ပြုလုပ်ခဲ့ရပါတယ် ။ ဒူးခေါင်းကျိုးတဲ့ ဒဏ်ရာခံစားရပြီးနောက်မှာတော့ Sedykh ဟာ ပျက်စီးသွားတဲ့ကြွက်သားတွေ ပြန်ပြီးပူးဆက်သွားဖို့အတွက် ကုသမှုထပ်မံခံယူရမှာပါ ။

ခွဲစိတ်ကုသမှုအောင်မြင်ပြီးသွားရင်တောင် Sedykh ဟာ လမ်းပြန်လျှောက်နိုင်ဖို့ လေ့ကျင့်ရအုံးမှာဖြစ်ကြောင်း ပြောကြားသွားခဲ့ပါတယ် ။ ” အဓိကအချက်ကတော့ လှုပ်ရှားမှုမရှိဘဲ 2လလောက် ကျွန်တော်အိပ်ရာပေါ်မှာ နေရမှာပါ ၊ ပြီးရင်တော့ လမ်းလျှောက်ဖို့ ပြန်လေ့ကျင့်ရမယ် ၊ နလှန်ပြန်ထနိုင်ဖို့ အချိန်ယူရအုံးမှာပါ ” ဆိုပြီး Sedykh ကပြောပြသွားခဲ့ပါတယ် ။

Leave a Reply

Your email address will not be published. Required fields are marked *