We Love တွေနဲ့အတူ ရန်ကုန်ဆေးရုံကြီးမှာ ဆေးပစ္စည်းတွေ လှူ မယ့် အေးမြဖြူ

Posted on

နောက်ထပ် အလှူရှင်တွေလည်း ပါဝင်လို့ရတယ်လို့ ဆိုပါတယ်။အေးမြဖြူနဲ့ သူမကိုချစ်တဲ့ မိုးစက်လေးတွေ စုပေါင်းပြီး ရန်ကုန်ဆေးရုံကြီးမှာ ဆေးပစ္စည်းတွေ လှူဖို့ရှိတယ်လို့ဆိုပါတယ်။ အဆိုတော် အေးမြဖြူနဲ့ သူမကို ချစ်တဲ့ ပရိသတ်တွေ စုပေါင်းပြီး COVID-19 အတွက် ရန်ကုန်ဆေးရုံကြီးမှာ လိုအပ်တဲ့ ဆေးပစ္စည်းတွေကို လှူဒါန်းသွားဖို့ ပြင်ဆင်နေတယ်လို့ သိရပါတယ်။ ဆေးပစ္စည်းများများ လှူချင်တာကြောင့်နောက်ထပ် အလှူရှင်တွေလည်း လိုအပ်နေသေးတယ်လို့ သူကဆိုပါတယ်။

“ဒါက သမီးနဲ့ သမီးရဲ့ မိုးစက်လေးတွေစုပြီး covid-19 အတွက် ရန်ကုန်ဆေးရုံကြီးရဲ့လိုအပ်တဲ့နေရာမှာလှူဖို့လုပ်ထားတာပါ ❤️ ဒီလကုန်နောက်ဆုံးထားပြီးလှူမှာမို့လို့ မိုးစက်လေးတွေအားလုံးပါဝင်လှူဒါန်းလို့ရသေးပါတယ်ရှင့်?နောက်ဆုံးပုံမှာလွှဲရမယ့်ဖုန်းနဲ့ bank accပါရှင်” ဆိုပြီးတော့ မတ်လ ၂၈ ရက်နေ့ ညနေ ၅ နာရီကျော်က သူ့ရဲ့ ဖေ့စ်ဘွတ်အကောင့်မှာ ရေးသားထားတာ ဖြစ်ပါတယ်။ ဒီ အလှူမှာတော့ အေးမြဖြူက ငွေကျပ် (၁)သိန်း လှူဒါန်းထားတာကို တွေ့ရပါတယ်။

အေးမြဖြူကတော့ မကြာသေးခင်က ဒါရိုက်တာ ဏကြီးပုံဖော်ရိုက်ကူးတဲ့ “ချစ်စခင်စမှော်ရုံ” ရုပ်ရှင်ကားကြီး ထဲမှာ ပါဝင်သရုပ်ဆောင်ခဲ့ပါသေးတယ်။ ဒီဇာတ်ကားမှာတော့ ဒေါင်း၊ ကျော်ထက်အောင်၊ မိုးဟေကိုနဲ့ ပိုင်ဖြိုးသုတို့ကလည်း ပါဝင်သရုပ်ဆောင်ထားတာ တွေ့ရပါတယ်။ အေးမြဖြူအတွက်တော့ ဒီရုပ်ရှင်ဇာတ်ကားဟာ ၁၀ ကျော်သက်အရွယ်မှာ ပထမဆုံးရိုက်ကူးတဲ့ ရုပ်ရှင်ဇာတ်ကားကြီးဆိုလည်း မမှားပါဘူး။

အေးမြဖြူဟာ ငယ်ငယ်လေးကတည်းက အနုပညာအလုပ်တွေနဲ့ ပတ်သက်ပြီး လှုပ်ရှားမှုတွေ အများကြီးရှိခဲ့ပါတယ်။ သရုပ်ဆောင် တစ်ယောက်အဖြစ် ဗီဒီယို ဇာတ်ကားများစွာတို့မှာလည်း ပါဝင်သရုပ်ဆောင်ဖူးခဲ့သူပါ။ ငယ်ငယ်လေးကတည်းက သရုပ်ဆောင်တစ်ယောက်ဖြစ်ခဲ့တာကြောင့် သူ့ကို ချစ်တဲ့ ပရိသတ်တွေအများကြီး ပိုင်ဆိုင်ထားသူလေး ဖြစ်ပါတယ်။ သူမကေတာ့ Myanmar idol (Season-4) မှာ Vote နံပတ် No.77711 နဲ့ ပါဝင်ယှဉ်ပြိုင်ခဲ့တာဖြစ်ပါတယ်။ သူမဟာ ငယ်စဉ်ကတည်းက သီချင်းတွေလည်း ဆိုခဲ့တဲ့သူဖြစ်သလို သရုပ်ဆောင်ဘက်မှာလည်း ဇာတ်ကားတော်တော်များများမှာ ပါဝင်သရုပ်ဆောင်ခဲ့ဖူးသူ ဖြစ်ပါတယ်။ သူမကို အခုချိန်ထိ အားပေးနေတဲ့ ပရိသတ်တွေကလည်း အများကြီးပါပဲ။

Leave a Reply

Your email address will not be published. Required fields are marked *